Спецслужбам Германіі дазволілі тайныя аперацыі, кібератакі і назіранне з выкарыстаннем ШІ

Каб супрацьстаяць Расіі.

Стала вядома, што ўлады Германіі надалі спецслужбам больш паўнамоцтваў як зброю супраць Расіі, якая пастаянна рыхтуе дыверсіі супраць краін Еўрапейскага саюза.

Бундэстаг ужо прыняў законапраект, падкрэсліўшы, што Bundesamt für Verfassungsschutz (Федэральнае ведамства па ахове Канстытуцыі) павінна будзе змагацца са шпіянажам, тэрарызмам і дыверсіямі.

Пра гэта паведамляе газета Welt.

BFV зможа адкрыта або таемна ўрывацца ў офісы, дамы і кватэры для высвятлення абставінаў па справах і ўстаноўкі апаратуры для назірання. У ведамства адныне развязаныя рукі, яго супрацоўнікі змогуць самастойна ажыццяўляць кібератакі, узламваць сайты, выдаляць даныя і падмяняць іх, напрыклад, дзеля змянення інструкцый па вырабе зброі, блакаваць інтэрнэт-трафік.

Спецслужба, што забяспечвае ўнутраную бяспеку ў Германіі, дадаткова зможа выкарыстоўваць штучны інтэлект для аналізу вялікіх аб'ёмаў даных, напрыклад, для параўнання біяметрычных паказчыкаў падазраваных.

BFV будзе мець права ўзламваць сістэмы прадпрыемстваў, што вырабляюць узбраенне і хімічную зброю. Спецслужбе дадуць права вербаваць непаўналетніх агентаў.

Дадатковыя паўнамоцтвы атрымае не толькі Федэральнае ведамства па ахове Канстытуцыі, але і Федэральная выведвальная служба BND, якая зможа праводзіць дыверсіі і спецаперацыі за мяжой, атакаваць серверы хакераў.

Міністр унутраных спраў Аляксандр Добрындт і прадстаўнікі ХДС/ХСС настойваюць, што падобныя рэформы закліканыя даць Германіі магчымасць супрацьстаяць пагрозам з боку Расіі, Кітая і Ірана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]