ЗША ўпершыню спыталі ў Зяленскага, ці сыдуць ЗСУ з Данбаса ўзамен на ўступленне ў НАТА

Што адказаў прэзідэнт Украіны?

ЗША спыталі ў прэзідэнта Украіны Уладзіміра Зяленскага, ці гатовая Украіна выйсці з Данбаса ўзамен на сяброўства ў НАТА. Пра гэта ўкраінскі лідар заявіў 14 лістапада падчас зносін з журналістамі, перадае УНІАН.

Паводле яго слоў, амерыканскі бок упершыню паставіў пытанне: «А калі Украіна будзе ў НАТА, Украіна выйдзе з Данбаса?».

Уладзімір Зяленскі нагадаў, што неаднаразова казаў: яго краіна не аддае свае землі. Цяпер Кіеў абмяркоўвае з партнёрамі камплексны пакет бяспекі, у які ўваходзяць зброя, часовая фінансавая падтрымка і план аднаўлення краіны, вынікае са слоў украінскага лідара, якія цытуе «Інтэрфакс-Украіна».

«Калі амерыканскі бок нам менавіта гэта пацвердзіць разам з іншымі калегамі па НАТА, тады я спытаю меркаванне нашага грамадства: прымаем ці не прымаем?» — заявіў прэзідэнт Украіны.

Пры гэтым ён падкрэсліў, што і гаворкі быць не можа пра прызнанне акупаваных тэрыторый расійскімі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]