У некалькіх раёнах Мінска з-пад крана будзе ліцца зялёная вада

Ваду пафарбуюць жыхарам чатырох раёнаў.

У некалькіх раёнах Мінска з 16 лістапада ў ваду дададуць спецыяльны харчовы фарбавальнік — флуарэсцэін, з-за чаго вада будзе зялёнай. Пра гэта папярэдзіла «Мінскэнерга».

Ваду пафарбуюць жыхарам Ленінскага, Заводскага, Савецкага і Першамайскага раёнаў.

«З 16 лістапада да канца ацяпляльнага сезона ў сеткавую ваду трубаправодаў цеплавых сетак будзе дададзены спецыяльны харчовы фарбавальнік — флуарэсцэін. Такое афарбаванне вады ажыццяўляецца для хуткага выяўлення ўцечак і несанкцыянаванага выкарыстання цепланосбіта, а таксама для праверкі герметычнасці ваданагравальнікаў», — паведамілі ў «Мінскэнерга».

На прадпрыемстве запэўнілі, што флуарэсцэін абсалютна бяспечны для здароўя чалавека і навакольнага асяроддзя і дазволены да прымянення Мінздароўем паводле патрабаванняў санэпіднагляду.

Жыхароў раёнаў, якія заўважаць афарбаваную ваду ў сістэмах гарачага водазабеспячэння або ўцечку зялёнага адцення, просяць звязацца з дыспетчарскай службай «Мінскэнерга» па тэлефонах 298−27−27 і 298−27−37.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]