Вядомую Z-прапагандыстку адправілі ў калонію на паўтара года

Яна заклікала «мочыць ахраноту».

У Данецку падкантрольны акупацыйным уладам Варашылаўскі міжраённы суд прысудзіў да 1,5 года калоніі агульнага рэжыму 54-гадовую Таццяну Мантян. Правайсковую блогерку і юрыстку прызналі вінаватай у закліках да «экстрэмізму» (ч. 2 арт. 280 КК).

Падставай для пераследу Мантян стала рэпліка «ахраноту мочыць без усялякага шкадавання», якую блогерка прамовіла падчас стрыма ў снежні 2022 года. «Ахранотою» ў z-колах называюць найбольш афіліяваных з дзяржавай прапагандыстаў, якія перашкаджаюць любой крытыцы Узброеных Сіл і палітычнага кіраўніцтва Расіі, — піша The Moscow Times.

Пазней Мантян тлумачыла, што пад «мочыць без шкадавання» мела на ўвазе баніць ботаў у чаце свайго стрыма. Тым не менш данецкі суд пагадзіўся з даводамі следства, што блогерка заклікала «да ажыццяўлення варожых гвалтоўных дзеянняў у адносінах да групы асоб». Акрамя прысуду ў 1,5 года калоніі падсуднай таксама забаранілі адміністраваць сайты на працягу двух гадоў.

Меру стрымання Мантян — падпіску аб нявыездзе — пакінулі без змяненняў да ўступлення прысуду ў сілу. Бок абароны ўжо заявіў, што будзе дамагацца абскарджання. «Гэта проста парнаграфія. Мы абскардзім і скасуем усе гэтыя кішэнныя судовыя акты ў вышэйстаячых судах. Судовымі актамі яны называюцца толькі па гістарычным непаразуменні», — цытуюць адвакатаў z-блогеркі «Важные истории».

Таццяна Мантян — ураджэнка Крыму, большую частку жыцця прапрацавала адвакаткай ва Украіне. Пасля Еўрамайдану яна заняла актыўную прарасійскую пазіцыю, аказвала юрыдычную дапамогу баевікам «ЛДНР», пры гэтым у РФ пераехала толькі ў 2021 годзе. У 2022 годзе Мантян актыўна падтрымала паўнамаштабнае ўварванне ва Украіну, стала калумністкай на сайце RT, але адкрыта канфліктавала з Уладзімірам Салаўёвым і блізкімі да яго аўтарамі.

У верасні–кастрычніку 2025 года расійскія ўлады ўзбудзілі супраць Мантян крымінальную справу па «экстрэмісцкім» артыкуле і дадалі яе ў пералік «тэрарыстаў і экстрэмістаў» Расфінманіторынгу. Таксама блогерку завочна пераследуюць ва Украіне — за заклікі да звяржэння канстытуцыйнага ладу, замах на тэрытарыяльную цэласнасць і апраўданне расійскай агрэсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]