«З нас хопіць»: Зяленскі зняў забарону на ўдары па НПЗ Расіі

Украіна тры дні не наносіла ўдараў па энергетыцы ворага, каб выканаць пажаданні Вашынгтона.

Украіна аднаўляе ўдары па расійскіх нафтаперапрацоўчых заводах. Забарону на такія атакі знялі на фоне праблем з разведданымі і збояў Starlink падчас масіраваных абстрэлаў.

Пра гэта гаворыцца ў інтэрв'ю прэзідэнта Украіны Уладзіміра Зяленскага выданню Financial Times.

«Забарону (на ўдары па НПЗ) знялі. З нас хопіць», — заявіў Зяленскі.

Паводле яго слоў, Украіна тры дні не наносіла ўдараў па расійскай энергетыцы, каб выканаць пажаданні Вашынгтона. Расія ў гэты час працягвала атакаваць украінскія энергааб'екты і за апошні тыдзень забіла больш за 100 мірных жыхароў.

Нягледзячы на паўзу, украінскія вайскоўцы засталіся без амерыканскіх папярэджанняў пра запускі балістычных ракет. Starlink па ўсёй краіне пачаў працаваць павольней, што ўскладніла дзеянні на фронце і ўдары на сярэднюю глыбіню па вайсковых аб'ектах РФ.

Паводле слоў Зяленскага, амерыканскія калегі наўпрост папярэдзілі ўкраінскіх вайскоўцаў: калі ўдары па энергетыцы не спыняцца, абмен разведданымі заблакуюць. Пазней Кіеву гэта падалі як тэхнічны збой.

«Гэта была не тэхнічная праблема, гэта была воля», — сказаў прэзідэнт пра збоі Starlink.

Умовы паўзы — Patriot

Зяленскі дапускае, што Украіна магла б не біць па энергетыцы РФ, нават калі Расія працягне атакі. Але толькі ў абмен на дадатковыя ракеты для Patriot, і гэта, паводле яго, мінімум.

Прэзідэнт Украіны распавёў, што ў адказ на просьбу аб узмацненні СПА ЗША аслабілі працу Starlink.

Паводле ацэнкі FT, цяперашні крызіс у адносінах Кіева і Вашынгтона – самы востры з лютага 2025 года, калі Трамп і яго каманда публічна адчыталі Зяленскага ў Авальным кабінеце.

Галоўнай прычынай напружання сталі ўдары па расійскай нафтаперапрацоўцы. Трамп звязвае менавіта з імі падаражанне дызельнага паліва ў свеце. Паралельна Мінфін ЗША адкрыў рынак для расійскага дызельнага паліва, а Украіна назвала гэтае пагадненне несправядлівым.

У ноч на 14 кастрычніка тэрміналы Starshield на ўкраінскіх дронах пачалі трымаць сувязь толькі да 160 км/гадз. У той жа дзень Расія нанесла масіраваны ўдар па энергетыцы, і Зяленскі назваў гэта беспрэцэдэнтнай непавагай Масквы да ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]