Упершыню ў гісторыі вайны: вялікі дрон ажыццявіў эвакуацыю байца ЗСУ з поля бою
2- 19.10.2026, 13:45
- 2,380
Кадры ўнікальнай аперацыі.
Упершыню ў гісторыі вайны ўкраінскія сілы правялі паветраную эвакуацыю параненага з поля бою ў Харкаўскай вобласці. Байца з ампутацыяй абедзвюх ног дасталі з пазіцыі на Купянскім напрамку з дапамогай вялікага дрона. Пра гэта Ваенна-медыцынскі клінічны цэнтр Паўночнага рэгіёна паведаміў 19 кастрычніка ў «Фэйсбуку».
49-гадовы вайсковец па імені Канстанцін у адзіночку ўтрымліваў назіральны пункт: ягонага пабраціма забілі расійскія скіды, а сам ён быў паранены. Некалькі спроб эвакуіраваць байца рознымі сродкамі, у тым ліку наземнымі робатызаванымі комплексамі, не ўдаліся. Паводле слоў Канстанціна, акупанты рабілі ўсё, каб сарваць місіі.
У Сухапутных войсках ЗСУ распавялі, што Канстанцін — пяхотнік 30-й асобнай механізаванай брыгады. У надзвычай складаных умовах ён працягваў выконваць баявыя задачы.
«Хаця расіяне і прапаноўвалі здацца ў палон, я не мог сабе гэтага дазволіць. То калонку, то грамафон скідалі і псіхалагічна ціснулі. Я памятаю ўсё гэта даслоўна, бо запіс круціўся па коле: „Братуха, мы ведаем, што ты тут. Твае таварышы табе не дапамогуць. Чуў выбух? Наступны можа быць па табе. Белы ліхтар выведзе цябе. А далей — палон, абмен і дадому!“ Яны ведалі, што я „300-ы“, што я застаўся без пабраціма і трымаю пазіцыю адзін. Я проста выкрыкнуў: „Расійскі ваенны карабель, ідзі…“ Ну і ўсё. Пасля гэтага яны скінулі дзве супрацьтанкавыя міны… Маё камандаванне, мой ротны — я яму вельмі ўдзячны — трымалі ўсё пад кантролем: разам з ежай і вадой мне ўвесь час скідалі лекі: бетадзін, антыбіётыкі, абязбольвальныя, яшчэ штосьці», — распавёў баец.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
