У Беларусі абвясцілі вайну яшчэ дзвюм раслінам
2- 14.08.2026, 16:49
- 2,412
Для інвазійных відаў увялі новыя абмежаванні.
У Беларусі пашырылі пералік раслін, якія забаронена наўмысна распаўсюджваць у прыродным асяроддзі.
Адпаведная пастанова Мінпрыроды апублікаваная 14 жніўня на Нацыянальным прававым інтэрнэт-партале.
У спіс трапілі два інвазійныя віды – амброзія палынналістая і дуб чырвоны. Абодва здольныя выцясняць мясцовыя расліны і парушаць звыклую экасістэму.
Чым небяспечная амброзія
Амброзія палынналістая вырастае ад 20 см да 1,5 м і даволі хутка асвойвае новыя тэрыторыі. Моцная каранёвая сістэма забірае шмат вады і пажыўных рэчываў, з-за чаго глеба высушваецца, а яе ўрадлівасць зніжаецца.
Таксама расліна стварае праблемы на лугах і пасовішчах. Яна выцясняе злакавыя і бабовыя травы, а горкія эфірныя алеі, што ўтрымліваюцца ў лісці, зніжаюць якасць сена.
Ёсць небяспека і для чалавека. Пылок амброзіі – моцны алерген, які можа выклікаць рыніт, кан'юнктывіт і бранхіяльную астму.
Цяпер гэтаму «чужаку» афіцыйна абвясцілі вайну. Згодна з пастановай, амброзію нельга ўвозіць у краіну, высаджваць і распаўсюджваць у прыродзе.
А што не так з дубам
Чырвоны дуб – ураджэнец Паўночнай Амерыкі. Дрэва вырастае да 30 м і можа пражыць да 300 гадоў.
Від даволі непатрабавальны: выдатна пераносіць засуху, можа расці ў цені і не баіцца халадоў. Такая «жыўучасць» і стварае праблемы для мясцовай флоры.
Чырвоны дуб перашкаджае аднаўленню іншых драўняных раслін і развіццю кустарнікавага яруса.
Менавіта таму для яго ўводзяць абмежаванні. Праўда, дзейнічаць яны будуць не па ўсёй краіне. Высаджваць і распаўсюджваць чырвоны дуб забароняць на асабліва ахоўных прыродных тэрыторыях, калі гэта прадугледжана планамі іх кіравання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
