Трамп зноў забараніў судам РФ швартавацца ў ЗША

Кіраўнік Белага дома падоўжыў дзеянне ўказа часоў Джо Байдэна.

Прэзідэнт ЗША яшчэ на год забараніў расійскім судам швартавацца ў партах ЗША. Гэта рашэнне аўтаматычна падаўжае дзеянне надзвычайнага становішча ў марской галіне, якое ўвёў яшчэ Джо Байдэн.

Пра гэта паведамляе РБК-Украіна са спасылкай на Упраўленне федэральнага рэестра ЗША.

Хаця дакумент пакуль прадстаўлены для азнаямлення грамадскасці, яго афіцыйнае апублікаванне адбудзецца ўжо сёння.

Абмежаванні будуць дзейнічаць як мінімум да вясны 2027 года. Прэзідэнт ЗША вырашыў не змякчаць ціск на марскую лагістыку агрэсара. Подпіс Трампа пад дакументам азначае, што Расія застаецца ў транспартнай ізаляцыі на амерыканскім напрамку.

«Я яшчэ на год падаўжаю дзеянне надзвычайнага становішча... звязанага з рэгуляваннем якарнай стаянкі і руху суднаў, якія належаць Расіі, у партах Злучаных Штатаў», — гаворыцца ў тэксце афіцыйнага ўказа.

Санкцыі датычацца не толькі дзяржаўнага флоту. Пад удар трапляюць усе судны, якія маюць якую-небудзь сувязь з Расійскай Федэрацыяй. Асноўнай прычынай у дакуменце пазначана, што РФ і дагэтуль пагражае нацыянальнай бяспецы ЗША.

Нагадаем, што рэжым надзвычайнага становішча ўпершыню ўвялі ў адміністрацыі Байдэна ў красавіку 2022 года. Тады гэта быў адказ на поўнамаштабнае ўварванне Расіі ва Украіну. З тых часоў амерыканскія ўлады штогод пераглядаюць мэтазгоднасць гэтых мер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]