Беларусы начамі стаяць у чарзе дзеля працы на складзе за $500

Мінчанка прыехала каля дзевятай раніцы і аказалася 309-й.

Склад Wildberries у індустрыяльным парку «Вялікі камень» дабудоўвалі ў аўральным парадку з-за ўдараў ЗСУ па складах кампаніі ў Расіі. Заробкі супрацоўнікаў — ад 1500 беларускіх рублёў (каля 500 долараў), але, тым не менш, ахвотных уладкавацца на працу вельмі шмат. Людзі дзяжураць начамі, каб захаваць месца ў чарзе, заўважыў сайт Charter97.org.

«Я ў шоку ад чаргаў на працаўладкаванне ў сартавальны цэнтр “Вялікі камень”! — піша мінчанка, якая хацела ўладкавацца на працу на склад. — Прыехаўшы туды каля 9-й раніцы, я была 309-й у чарзе! З аповедаў людзей у чарзе я зразумела, што яны па два-тры дні спрабуюць трапіць туды. Тыя, хто запісваецца ў 12 ночы, у чарзе — недзе ў раёне 80-га месца. То бок такое мноства людзей проста ў 12 ночы прыязджаюць, каб атрымаць працу. Але я ведаю і людзей, якія прайшлі гэтае працаўладкаванне, прыйшлі адзін раз — і ўсё. Дык навошта ствараць такі ажыятаж, калі ў выніку гэтая праца не патрэбная?»

Адзін з каментатараў напісаў, што а 5:53 на рэгістрацыі ўжо было 57 чалавек, хоць афармленне пачынаецца а дзявятай.

Пры гэтым беларусы, якія ўжо працавалі на складзе Wildberries, расказваюць, што нават 1500 рублёў у месяц зарабіць не так проста, хоць праца адрозніваецца свабодным графікам і сдзельнай формай аплаты:

«Мы нядаўна ноччу прыехалі, запісаліся 25-мі ў чаргу. З’ехалі спаць. Потым прыехалі раніцай і за дзве гадзіны ўладкаваліся. Яшчэ нават здолелі папрацаваць каля трох гадзін. Але ў выніку за гэтыя тры гадзіны на чалавека мы зарабілі чыстымі на рукі 45 рублёў».

«Праца не зусім лёгкая, але я дакладна ведаю: у Мінску такі заробак цяпер не знайсці», — піша адна з работніц складу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]