Паявіліся падрабязнасці падрыву расійскага ваеннага злачынцы пад Пецярбургам

Падпольшчык месяц высочваў акупанта.

Падазраваны ў выбуху аўтамабіля расійскага вайскоўца амаль месяц сачыў за ім, уладкаваўшыся на працу ў гіпермаркет, размешчаны паблізу. Выбуховае прыстасаванне ён замацаваў пад аўтамабілем уначы, а да моманту выбуху ўжо пакінуў Расію. Пра гэта паведамляе «Фонтанка».

Выданне апублікавала падрабязнасці падрыву аўтамабіля ў пецярбургскіх Шушарах. Паводле яго звестак, бомбу заклаў 31-гадовы пецярбуржец. Каля месяца ён сачыў за палкоўнікам: мужчына наняўся разнарабочым у «Ленту» на Калпінскім шасэ і высвятляў, калі вайсковец вяртаецца дадому, дзе паркуе машыну і ў колькі з'язджае на службу.

Крыніца «Фонтанкі» сцвярджае, што самаробную бомбу даставілі ў Ленінградскую вобласць на паветраным шары. Пацверджанняў гэтай версіі няма. Пасля прызямлення груз забраў невядомы і перасхаваў у іншы тайнік, адкуль яго выняў выканаўца. Паводле звестак выдання, каля першай гадзіны ночы ён замацаваў прыладу пад днішчам аўтамабіля, а ў 2:43 паводле мінскага часу выляцеў з Пулкава ў Стамбул. Самалёт прызямліўся ў 6:05, пасля чаго падазраваны накіраваўся ў Кішынёў. Выбух адбыўся а сёмай раніцы.

Звесткі пра загінулых супярэчлівыя. Выданне 78.ru паведаміла, што мог загінуць галоўны штурман 6-й арміі ВПС і СПА Расіі Дзмітрый Лабодзін, аднак пазней выдаліла гэтую інфармацыю. Украінскія каналы назвалі яшчэ два імёны: намесніка камандуючага 6-й арміяй па ваенна-палітычнай працы Андрэя Хадыкіна і намесніка камандуючага па авіяцыі Віктара Пазднякова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]