У Беларусі працягваюць працаваць рэтранслятары для расійскіх «Шахедаў»

Эксперт назваў самы надзейны спосаб барацьбы з імі.

Сігналы ад рэтранслятараў, якія ўсталяваныя на вежах у Беларусі для расійскіх «Шахедаў», складана глушыць, бо яны могуць выкарыстоўваць розныя частоты. Пра гэта ў падкасце «РБК-Украіна» «ЦЕ БАЗА» распавёў сузаснавальнік кампаніі Contra-Drone Цімафей Юркоў.

На пытанне пра беларускія вежы і пра тое, ці працуюць на іх дагэтуль рэтранслятары, Юркоў адказаў, што «маячкі перыядычна фіксуюцца». Паводле яго слоў, навігацыя па гэтых маяках ёсць у расійскіх «Шахедах» і ракетах.

Галоўная праблема ў тым, што не ўдаецца імгненна вызначыць параметры рэтранслятараў, бо яны могуць выкарыстоўваць розныя частоты.

Найбольш гарантаваны метад перамогі над маякамі — знішчыць іх, дадаў спецыяліст.

Нагадаем, раней стала вядома, што на поўдні Беларусі выйшлі з ладу тры вежы-рэтранслятары. Дзве з іх знаходзіліся ў Гомельскай вобласці, яшчэ адна — у Брэсцкай. Усе аб’екты размешчаныя недалёка ад мяжы з Украінай і маглі выкарыстоўвацца для рэтрансляцыі сігналаў кіравання расійскімі беспілотнікамі. Вежы перасталі функцыянаваць у перыяд з 21 кастрычніка па 3 лістапада. Пра аднаўленне іх працы не паведамлялася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]