У Беларусі пачалі дзейнічаць новыя правілы для прыватных дамоў

Яны закрануць многіх уладальнікаў.

У Беларусі пачалі дзейнічаць новыя правілы, што датычацца прыватных дамоў, заўважыў Realt. Пастанова Міністэрства архітэктуры і будаўніцтва №70 ужо апублікаваная на Нацыянальным прававым інтэрнэт-партале.

Згодна з новай рэдакцыяй дакумента, дом нельга будаваць бліжэй за тры метры да мяжы суседняга ўчастка, а гаспадарчыя пабудовы — бліжэй за два метры.

Такое правіла існуе даўно, але цяпер з яго прыбралі важную агаворку. Раней было ўдакладненне, што ўладальнікі сумежных ўчасткаў могуць дамовіцца, і тады будаваць можна было на любой адлегласці. Цяпер такой магчымасці няма.

Нягледзячы на ўжорстчанне правілаў, з ужо існуючымі блізка размешчанымі дамамі і гаспадарчымі пабудовамі нічога рабіць не трэба.

Тым не менш іх рэканструкцыю можна праводзіць толькі ў межах існай плошчы і габарытаў.

Пашырацца па-ранейшаму можна, але не ў бок суседскага ўчастка. Прасцей кажучы, прыбудоўваць нешта з боку суседа або рухаць сцяну бліжэй да плота цяпер нельга ні пры якіх умовах.

Таксама з'явіцца растэрміноўка для тых, хто хоча легалізаваць самавольна заняты зямельны ўчастак.

Але частку сумы ўсё роўна давядзецца ўнесці адразу, і яна не павінна быць меншай за 25% поўнага кошту.

Пастанову аб парадку прадастаўлення растэрміноўкі падпісаў прэм'ер-міністр. Каб яе атрымаць, трэба падаць заяву ў мясцовыя органы ўлады.

«[Яе можа падаць. — заўв.] зацікаўленая асоба асобна ад заявы аб прадастаўленні самавольна занятага зямельнага ўчастка, але да прыняцця рашэння аб легалізацыі», — удакладнілі ў Савміне.

Памер часткі платы за права легалізацыі вызначае выканкам, але сума не можа быць меншай за 25% усяго доўгу.

Ёсць і абмежаванне па часе: растэрміноўка не можа быць больш за пяць гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]