Кандыдат у Дзярждуму ад КПРФ запусціў агітацыю са словамі «Міру — мір» і «Калі скончыцца СВА?»
5- 31.08.2026, 20:45
- 1,956
Відэа ўжо транслююцца на мясцовым тэлебачанні.
Кандыдат у дэпутаты Дзярждумы па Бурацкай аднамандатнай акрузе, дэпутат Народнага Хурала рэспублікі Баір Цырэнаў (КПРФ) выпусціў агітацыйныя ролікі з лозунгам «Улада — народу, міру — мір» і прамым пытаннем: «Калі скончыцца СВА?». Як звярнуў увагу «Сібірскі экспрэс», відэа ўжо транслююцца на мясцовым тэлебачанні і, на дзіва самога кандыдата, пакуль не зняты з эфіру.
«Мы пастараліся ўкласці ў 15 секунд усе думкі і пытанні, якія ёсць у людзей сёння. І ў нас ёсць адказы на іх, мы ведаем, як усё выправіць. 20 верасня чакаем вас на выбарчых участках», — напісаў Цырэнаў у сацсетках. У двух роліках, акрамя галоўнага пытання пра вайну, гучаць і іншыя — пра блакіроўку інтэрнэту, рост падаткаў, падаражанне і ўтылізацыйны збор.
Паводле апытання Інстытута канфлікталогіі і аналізу Расіі (ІКАР), праведзенага ў маі 2026 года, 81% расіян гатовы падтрымаць рашэнне аб завяршэнні вайны супраць Украіны «ужо заўтра» — гэта максімальны паказчык з пачатку поўнамаштабнага ўварвання. Адначасова колькасць прыхільнікаў вайны «да поўнай перамогі» скарацілася да 9% — мінімальнае значэнне за ўвесь час баявых дзеянняў.
Пры гэтым 58% рэспандэнтаў адзначылі, што прыярытэтам для прэзідэнта ў 2026 годзе павінны быць завяршэнне канфлікту і паляпшэнне фінансавага становішча грамадзян. Амаль тры чвэрці (73%) не падтрымалі б новую хвалю мабілізацыі, і толькі 11% выказаліся за яе. Значнае незадаволенне выклікаюць і абмежаванні ў інтэрнэце: супраць блакіроўкі Telegram выказаліся 67% апытаных, а супраць увядзення «белых спісаў» — 55%.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
