Беларускія школы і гімназіі пачынаюць прыём дакументаў у першыя класы

Што трэба ведаць?

Школы і гімназіі Беларусі пачынаюць прыём дакументаў для залічэння дзяцей у першыя класы, паведамляе БелТА.

Прыём дакументаў ад бацькоў будучых першакласнікаў, якія пражываюць у мікрараёне ўстановы адукацыі, праходзіць з 12 чэрвеня па 15 жніўня. Неабходна падаць заяву на імя дырэктара, медыцынскую даведку аб стане здароўя дзіцяці і пасведчанне аб нараджэнні.

Таксама ў гэтыя тэрміны будуць прымацца дакументы на вольныя месцы ад бацькоў дзяцей, якія не пражываюць у мікрараёне школы або гімназіі. Такі набор праводзіцца ў парадку чарговасці рэгістрацыі заяў. Астатнія дакументы, калі будзе прынята станоўчае рашэнне, неабходна данесці з 17 па 28 жніўня.

Важна памятаць, што дзеці, якія пражываюць у мікрараёне ўстановы адукацыі, маюць пераважнае права пры паступленні ў гэтую ўстанову ў першы клас.

Паводле слоў начальніка ўпраўлення агульнай сярэдняй адукацыі — намесніка начальніка галоўнага ўпраўлення агульнай сярэдняй і дашкольнай адукацыі Міністэрства адукацыі Ірыны Каржовай, у новым навучальным годзе за парты сядуць каля 82 тысяч першакласнікаў. Месцаў у школах хопіць усім.

Акрамя таго, на сайтах устаноў адукацыі штодня будзе абнаўляцца інфармацыя аб колькасці пададзеных дакументаў і заяў на вольныя месцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]