Мінчанін з нажом пайшоў вызваляць ката маці

Жывёлу ўдалося вярнуць, але не без наступстваў.

У Мінску будуць судзіць 27-гадовага мужчыну, які пайшоў з нажом вызваляць ката сваёй маці. Яго абвінавачваюць у пагрозе забойствам, паведаміла пракуратура Партызанскага раёна сталіцы дзяржаўнаму агенцтву «Мінск-Навіны».

Аднойчы мінчанін выпіваў дома з маці і сябрам. Раптам жанчына паскардзілася, што знаёмы дворнік, у якога яна нейкі час пражывала са сваім катом, не аддае ёй гадаванца. Папрасіла сына дапамагчы яго вярнуць. Разагрэтая спіртным кампанія накіравалася да жыхара аднаго з дамоў на вул. Русіянава вызваляць ката.

Дворнік адчыніў дзверы і сказаў, што аддасць жывёлу, калі мінчанка верне яго мабільны тэлефон. Паводле яго слоў, яна нібыта выкрала гаджэт і абмяняла на дзве бутэлькі гарэлкі (за дробны крадзеж жанчыну тады прыцягвалі да адміністрацыйнай адказнасці).

У гэты момант з пакоя выйшаў кот. Гаспадыня схапіла гадаванца і паспяшалася сысці. Знаёмы пусціў услед жанчыне некалькі абразлівых слоў, што вельмі раззлавала яе сына.

Ён схапіў мужчыну за горла і некалькі разоў ударыў па галаве. Выказваў пагрозы забойствам і прычыненнем траўмаў, размахваў перад ім нажом, падняў майку мужчыны і вадзіў лязом па тулаве. Потым нанёс не менш за чатыры ўдары нажом у сцягны гаспадара кватэры і адзін — у вобласць грудзей. Адыходзячы, прыгразіў, каб той не звяртаўся ў міліцыю.

«Абвінавачваны нідзе афіцыйна не працуе, раней да крымінальнай адказнасці не прыцягваўся. Яму прад'яўлена абвінавачанне ў здзяйсненні злачынства, прадугледжанага арт. 186 КК (Пагроза забойствам, прычыненнем цяжкіх цялесных пашкоджанняў або знішчэннем маёмасці), санкцыя якой — аж да трох гадоў пазбаўлення волі. Віну грамадзянін цалкам прызнаў, у здзейсненым раскаяўся», — расказала намесніца пракурора Партызанскага раёна Інна Рудышкіна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]