Моцны дождж і град прыйшлі ў Мінск і наваколле

Фота, відэа.

Паводле даных метэарадара на 19:00 18 мая, моцныя дажджы з навальніцай і месцамі з градам прыйшлі ў раёны Мінска, Барысава і Беразіна. Мясцовыя жыхары дзеляцца ў сацсетках кадрамі непагадзі, перадае «Зеркало».

Сіноптыкі абяцалі на 18 мая 90% імавернасці ападкаў у Мінску, быў абвешчаны аранжавы ўзровень небяспекі з-за навальніц з моцным ветрам. Непагадзь прыйшла пад вечар — была заўважаная вялікая хмара, якая рухалася да сталіцы. Яе прыход знялі ў Новай Баравой.

«Суперячэйка тыпу моцных ападкаў HP і яе эфектны мезацыклён» былі заўважаны ў раёне Уручча і Копішча, пісаў тэлеграм-канал «Метеовайб».

Дождж і град фіксавалі таксама на трасе Мінск — Барысаў. Паведамлялася, што бачнасць была зніжаная і машыны ехалі з хуткасцю «не больш за 40 км/г».

Паводле даных метэарадара, вобласць навальніц і дажджоў страчвала сваю інтэнсіўнасць і рухалася ў бок Плешчаніц, Вілейкі і Докшыц.

Сталічная ДАІ прасіла з улікам пагаршэння бачнасці выбіраць бяспечную хуткасць і дыстанцыю да транспарту, што рухаецца наперадзе, пазбягаць рэзкіх манеўраў і тармажэнняў, уключаць блізкае святло фар або габарытныя агні.

«Калі няма магчымасці працягнуць рух, спыніцеся ля краю праезнай часткі з уключанай аварыйнай сігналізацыяй, вонкавымі святловымі прыборамі і перачакайце ліўневы дождж. Не варта паркавацца паблізу дрэў», — раілі ў Дзяржаўтаінспекцыі.

Белгідрамет абвясціў на 19 мая жоўты ўзровень небяспекі, прычына — месцамі навальніцы, уначы і раніцай магчымы туман, а ўдзень чакаецца да +30°С.

У цэлым у аўторак чакаецца ўначы +10…15°С, у заходніх раёнах +8…9°С, максімальная ўдзень ад +16°С на паўночным захадзе да +30°С на ўсходзе.

Дажджы з навальніцамі і падобныя тэмпературы прагназуюць таксама 20 і 21 мая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]