Выпускнікі ў Мінску знайшлі спосаб пазбегнуць размеркавання

Але нешта пайшло не так.

Трое выпускнікоў мінскіх ВНУ знайшлі спосаб пазбегнуць размеркавання. Тое, што працаўладкаванне насамрэч фіктыўнае, з цягам часу заўважылі — справа дайшла да суда. Падрабязнасці расказалі у пракуратуры.

Паведамляецца, што пасля заканчэння навучання выпускнікі былі размеркаваны ў адну з арганізацый Мінска, якая дапамагала ім ухіляцца ад адпрацоўкі. Да працы маладыя спецыялісты фактычна не прыступілі, заробак не атрымлівалі, але за ўвесь час фіктыўнага працаўладкавання арганізацыя сістэматычна плаціла за іх абавязковыя страхавыя ўзносы ў ФСЗН.

У пракуратуры распавядаюць, што за такое фіктыўнае працаўладкаванне маладыя людзі на працягу двух гадоў плацілі дырэктару гэтай кампаніі.

Шкода дзяржаве ад дзеянняў выпускнікоў ацэньваецца больш як у 95 000 рублёў. У дачыненні да маладых спецыялістаў узбуджаныя крымінальныя справы за прычыненне маёмаснай шкоды без прыкмет крадзяжу (частка 2 артыкула 216 КК РБ).

Пракуратура прад'явіла пазоў у інтарэсах дзяржавы: за перыяд фіктыўнага працаўладкавання уплачаныя страхавыя ўзносы ў ФСЗН, і гэты перыяд уключаны ў працоўны стаж і ў далейшым можа паўплываць на памер пенсій. Суд прызнаў працоўныя дамовы маладых людзей несапраўднымі, рашэнне ўступіла ў сілу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]