Расійскі прапагандыст, які заклікаў судзіць Пуціна, выйшаў з псіхушкі

Пасля месяца ў клініцы ён зрабіў першыя заявы.

Расійскі прапагандыст і Z-блогер Ілля Рэмесла (каля 116 тыс. падпісчыкаў) зрабіў першыя заявы пасля выхаду з псіхіятрычнай клінікі.

18 сакавіка ў допісе ў Telegram ён абвінаваціў нелегітымнага прэзідэнта РФ Уладзіміра Пуціна ў узурпацыі ўлады і заклікаў яго судзіць, пасля чаго яго гаспіталізавалі. Ён адзначыў, што сёння выйшаў з профільнай пецярбургскай бальніцы № 3 імя Скварцова-Стэпанова, дзе правёў 30 дзён.

Ён падкрэсліў, што не быў пад наркатычным або іншым уздзеяннем, калі рабіў антыпуцінскія заявы.

«Жорсткая крытыка вышэйшых службовых асоб дзяржавы мае сваю цану – памятайце пра гэта. Умовы знаходжання ў бальніцы даволі цяжкія, нават у параўнанні з калоніяй – напрыклад, няма прагулкаў... Не шкадую аб зробленым па сутнасці, але калі б рабіў гэта цяпер – выкарыстаў бы больш узважаныя і збалансаваныя фармулёўкі, без пераходу на асобы. Гэтую недапрацоўку я маю намер надалей выпраўляць», – напісаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]