Украінскія дроны абвалілі нафтавыя даходы Расіі
- 17.04.2026, 21:20
- 1,066
Штодзённыя страты ацэньваюцца ў $100 мільёнаў.
Штодня Расія губляе па 100 мільёнаў долараў у выніку ўкраінскіх удараў дронаў па нафтавых аб'ектах. Пра гэта паведаміў у Facebook камандуючы Сіламі беспілотных сістэм ЗСУ Роберт Броўдзі (Мадзяр).
«Трохтыднёвы тур Свабодалюбнай Украінскай Птушкі па маршруце нафтазаводаў: Прыморск – Усць-Луга – Шэсхарыс (Наварасійск) – Туапсэ скараціў сукупную сутачную адгрузку крывавай нафты з балот на 880 тыс. барэляў», — напісаў Мадзяр.
Пры гэтым ён адзначыў, што барэль расійскай нафты Urals сёння каштуе 114 $. Паводле яго слоў, гэта 120 тысяч тон «чорнай жыжы», або 2000 чыгуначных цыстэрнаў.
«Штодзённыя страты выручкі ў крывавых нафтадоларах — 100 млн $. Нармальна наляталі. Выканаўцы: Птушкі СБС, СБУ, ССО, ГУР і іншых складнікаў глыбіннага паражэння Сіл абароны Украіны», — адзначае камандуючы Сіламі беспілотных сістэм ЗСУ.
Мадзяр адзначае, што ў ноч на 16 красавіка дроны атакавалі Краснадарскі край у Расіі і нанеслі ўдар па нафтаперапрацоўчым заводзе ў Туапсэ, у выніку чаго на тэрыторыі прадпрыемства ўспыхнуў пажар.
«Цікава, што за дзень-два да «Горка ў Туапсэ!» Reuters апублікаваў матэрыял пра перанакіраванне «Раснафтай» нафты з «падбітага» Наварасійска (тэрмінал Шэсхарыс) менавіта на Туапсэ, які гарыць яшчэ і сёння», — дадаў ён.
Таксама адзначыў, што СБС сёння чарговы раз нанеслі ўдар па тэрмінале ў Прыморску.
«Узнікла невялікая нафтавая ўцечка. Але пра гэта нікому ні слова, у Ленінградзе ўсё спакойна, хутка ў клубе дыскатэка», — пажартаваў Мадзяр.
Ён паабяцаў, што ўдары па нафтавай, лагістычнай і партавай інфраструктуры РФ будуць працягвацца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
