У Крычаве выпусцілі дзіўную заяву пра «людзей у камуфляжнай форме»

Сілавікі заклікаюць шукаць «падазроных асоб моцнага целаскладу».

Міліцыя Крычаўскага раёна папрасіла жыхароў быць максімальна ўважлівымі дзеля грамадскай бяспекі. Зварот мясцовых сілавікоў апублікаваў Krichevlive.

«Калі ў горадзе Крычаве або ў сельскіх населеных пунктах раёна вы заўважылі падазроных асоб моцнага целаскладу ў камуфляжнай форме, якія паводзяць сябе ўтоена, цікавяцца аб’ектамі інфраструктуры або распытваюць мясцовых жыхароў, НЕАДКЛАДНА паведаміце пра гэта ў міліцыю», — гаворыцца ў паведамленні.

Тэлефанаваць прапануюць па нумары 102. Трэба назваць, дзе і калі былі заўважаныя незнаёмцы, як яны выглядалі і ці было пры іх зброя.

Міліцыя папярэджвае ад самастойных дзеянняў: падыходзіць да падазроных людзей, распытваць іх або спрабаваць іх затрымліваць не трэба. «Ваша галоўная задача — хутка і бяспечна перадаць інфармацыю спецыялістам. Бяспека нашага роднага краю залежыць ад кожнага з нас», — падкрэслілі сілавікі.

Чым выкліканыя такія меры, у міліцыі не патлумачылі. Там толькі нагадалі, што ў раёне цяпер праходзяць вучэнні тэрытарыяльнай абароны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]