Перамога дэмакратаў каштавала кіраўніку Nvidia месца ў дзясятцы самых багатых людзей свету

Выбары ў ЗША адбіліся таксама на стане Ілона Маска і сузаснавальніка Oracle Лары Эллісана.

Перамога дэмакратаў на выбарах у ЗША

каштавала генеральнаму дырэктару Nvidia Джэнсэну Хуану месца ў дзясятцы самых багатых людзей свету. Стан заснавальніка SpaceX Ілона Маска і сузаснавальніка Oracle Лары Эллісана таксама істотна скараціўся.

Пра гэта паведамляе Bloomberg.

Хуан страціў 15,1 млрд долараў. Цяпер яго актывы ацэньваюцца ў 150,9 млрд долараў. Ён апусціўся з 9-га на 13-е месца ў рэйтынгу самых багатых людзей свету.

Маск страціў 79,7 млрд долараў, а Эллісан — 10,1 млрд долараў.

У цэлым сукупны стан 500 чалавек, якія ўваходзяць у рэйтынг Bloomberg, пасля выбараў скараціўся на 185 млрд долараў.

Такая дынаміка звязаная з падзеннем акцый тэхналагічных кампаній — у прыватнасці, Nvidia страціла 9,3% кошту сваіх каштоўных папер. Гэта самае моцнае падзенне са студзеня мінулага года.

Інвестары лічаць, што цяпер Кангрэс ЗША будзе блакаваць будаўніцтва новых цэнтраў апрацоўкі даных, а яны — найважнейшая частка інфраструктуры штучнага інтэлекту. У апошнія гады менавіта ШІ стаў галоўным рухавіком росту кошту тэхналагічных гігантаў.

Нагадаем, 3 лістапада ў ЗША прайшлі давыбары ў Кангрэс, па выніках якіх дэмакраты атрымалі кантроль над Сенатам і Палатай прадстаўнікоў.

Прэзідэнт ЗША Дональд Трамп пасля паразы рэспубліканцаў пагразіў, што будзе накладаць вета на ініцыятывы дэмакратаў.

Пры гэтым ён прызнаў вынікі і сказаў, што гатовы супрацоўнічаць з дэмакратамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]