Украіна падарвала пад Разанню самалёт-запраўшчык Іл-78
4- 5.11.2026, 16:18
- 2,694
Гэта важны для расійскай авіяцыі борт.
Падчас маштабнай атакі ўкраінскіх дронаў на Разань на аэрадроме Дзягілёва быў пашкоджаны самалёт-запраўшчык Іл-78. Да такой высновы прыйшлі OSINT-аналітыкі, вывучыўшы даступныя фота і відэа. Іл-78 — адзіны спецыялізаваны тып самалётаў-запраўшчыкаў на ўзбраенні ВКС Расіі: без іх стратэгічная і дальняя авіяцыя не можа дазапраўляцца ў паветры і дзейнічаць на вялікай адлегласці, піша «Дыялог».
Пад удар уначы трапіла цэлая група буйных аб’ектаў:
Разанскі НПЗ. Пашкоджаны АВТ-1, АВТ-4, АТ-6 і АВТ-3 (якая знаходзілася на рамонце), а таксама тры ўстаноўкі другаснай перапрацоўкі, адна з якіх — устаноўка гідраачысткі вакуумнага газойлю. На прадпрыемстве пачаўся маштабны пажар.
Індустрыяльны парк «Разанскі» (вёска Цюшава, Паркавая вуліца, 1). Пашкоджаны два аб’екты: склад Wildberries і вытворчасць сэрвэрнага абсталявання OpenYard у памяшканнях Цэнтра адкрытых распрацовак. На абодвух узнік пажар.
У апошнія дні Украіна перайшла ад кропкавых удараў да тактыкі масіраваных налётаў. Паказальна, што пасля доўгай паўзы толькі за пяць дзён лістапада паражаныя ўжо тры буйныя НПЗ. Каб пераадолець узмоцненую ППА вакол стратэгічных заводаў, Кіеў задзейнічае больш буйныя групы беспілотнікаў, таму атакі і выглядаюць масіраванымі. Пры гэтым дроны, прылятаючы да аб’ектаў у вялікай колькасці, па-ранейшаму б’юць па крытычных тэхналагічных вузлах (устаноўках першаснай перапрацоўкі), а не проста па рэзервуарах.
Іл-78 (па класіфікацыі НАТА — Midas) створаны ў АКБ Ільюшына на базе ваенна-транспартнага Іл-76МД. Яго галоўная задача — дазапраўка ваенных самалётаў у паветры, што павялічвае іх радыус дзеяння і час патрулявання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
