Трамп раскрыў, за што ЗША гатовыя плаціць велізарныя грошы
- 18.11.2026, 1:59
Прэзідэнт ЗША заявіў, што краіне патрэбныя магніты.
ЗША гатовыя закупляць рэдказямельныя магніты за вялікія грошы. Пра гэта заявіў амерыканскі лідар Дональд Трамп.
«Нам патрэбныя магніты», — сказаў ён на прыёме ў Маніле з удзелам лідараў краін Асацыяцыі дзяржаў Паўднёва-Усходняй Азіі (АСЕАН).
Амерыканскі лідар заклікаў удзельнікаў сустрэчы актыўней займацца здабычай крытычна важных карысных выкапняў, рэдказямельных металаў і вытворчасцю магнітаў. Паводле яго слоў, такая дзейнасць можа прынесці значны даход, бо ЗША маюць патрэбу ў гэтай прадукцыі.
Рэдказямельныя магніты выкарыстоўваюцца ў электрарухавіках, генератарах, датчыках, жорсткіх дысках, робататэхніцы і медыцынскім абсталяванні. Яны таксама прымяняюцца ў навігацыйных і ваенных сістэмах.