18 лiстапада 2026, Серада, 1:33
Падтрымайце
сайт
Сім сім,
Хартыя 97!
Рубрыкі

Крымскі мост — усё?

119
Крымскі мост — усё?
Фота: Exilenova+

(абноўлена) Адна з арак упала ў мора.

Крымскі мост зноў падвергся ўдару з боку Узброеных Сіл Украіны 17 лістапада. Паводле даных украінскіх СМІ, у выніку абрынулася адна з арак і вялікі кавалак дарожнага палатна.

Што адбылося ўначы

Каля поўначы ў раёне Керчанскага моста прагрымела серыя магутных выбухаў. Пра гэта паведамілі тэлеграм-канал «Крымский ветер» і выданне ASTRA. Паводле іх даных, мясцовыя жыхары чулі выбухі і сігнал аб ракетнай небяспецы.

Назначаны Масквой кіраўнік анексаванага Крыма Сяргей Аксёнаў пацвердзіў паўторную атаку і паведаміў, што рух транспарту па мосце прыпынены. Паводле інфармацыі ASTRA, пашкоджаная адна з маставых арак.

Крымскі мост — усё?

Аднаўленне Керчанскага моста, паводле слоў экспертаў «Крымский ветер», немагчыма: для рамонту патрэбныя марскія краны, але ўкраінскія дроны і ракеты не дазволяць варожым судам там працаваць.

Таксама марская лагістыка акупантаў у Азоўскім моры спынілася: абрынуўшаяся арка перакрыла адзіны глыбаводны праход у Керчанскім праліве.

Прайсці міма гэтага завалу буйным гандлёвым і ваенным караблям фізічна няма дзе. Керчанскі праліў сам па сабе дробны, усяго 3–6 метраў, таму ўвесь сур'ёзны трафік паміж Чорным і Азоўскім марамі ідзе строга па вузкім 120-метровым Керч-Енікальскім канале.

Што вядома пра атаку 16 лістапада

Напярэдадні мост ужо падвяргаўся атацы. Аўтамабільны рух па ім быў перакрыты амаль на 17 гадзін, а ўвечары адноўлены ў рэверсіўным рэжыме.

Пасля першага ўдару зафіксавалі пашкоджанні дарожнага палатна і дэфармацыю арчнай канструкцыі. Расійскі бок называе пашкоджанні нязначнымі. Прэс-сакратар Уладзіміра Пуціна Дзмітрый Пяскоў прызнаў, што збудаванне пацярпела: паводле яго слоў, пасля атакі Узброеных Сіл Украіны на мосце адзначаюцца нязначныя пашкоджанні. Ён дадаў, што праца над мостам працягваецца.

Напісаць каментар 119

Таксама сачыце за акаўнтамі Charter97.org у сацыяльных сетках

▲