У Беларусі пачаліся афіцыйныя продажы абноўленага кросовера Li L6
- 16.11.2026, 13:54
Агучаны кошт.
Беларусь стала першым экспартным рынкам, на якім пачаліся афіцыйныя продажы абноўленага кросовера L6, паведамілі прадстаўнікі брэнда ў нашай краіне. Мадэль, якая адкрывае лінейку паслядоўных гібрыдаў Li Auto, атрымала шэраг абнаўленняў. Цяпер яна прапануецца па цане 257 200 рублёў.

Даўжыня кузава вырасла на 10 мм. Цяпер аўтамабіль мае наступныя габарыты: даўжыня — 4935 мм, шырыня — 1960 мм, вышыня — 1735 мм, калясавая база — 2920 мм. Дарожны прасвет — 18 см. Беларусам прапануюць аўто з дыскамі дыяметрам R21. У аўтамабілі выкарыстоўваюцца тэхналогіі UWB-радара, дзякуючы чаму няма неабходнасці ў вялікай колькасці радараў спераду і ззаду.

Новая батарэя Ultra Fast Charge атрымала на 40% павялічаную ёмістасць у параўнанні з папярэдняй версіяй кросовера, якая цяпер складае 51 кВт·г, распавядаюць у аўтасалоне. Абноўлены Li L6 можа праехаць да 300 км на чыстай электрычнай цяге (паводле заводскіх разлікаў), а наяўнасць сістэмы REEV (з бензінавым РУЗ, які працуе як генератар) забяспечвае агульны запас ходу 1250 км па цыкле CLTC. Пікавая магутнасць зарадкі стандарту 5C складае 260 кВт, сцвярджае вытворца: гэта дазваляе папоўніць запас энергіі з 20% да 80% усяго за 12 хвілін, што ў 1,7 раза хутчэй, чым у L6 папярэдняга пакалення.

Упершыню на Li L6 цяпер усталёўваецца ў якасці опцыі заводскі электрычны высоўны фаркоп для буксіроўкі прычэпа. Удасканалены аўтапілот на траціну павысіў хуткасць рэакцыі аўтамабіля на зялёнае святло (па крайняй меры, так сцвярджаюць на заводзе), а сістэма аўтаматычнай паркоўкі знаходзіць парковачныя месцы на адлегласці 10 метраў, гаворыцца ў прэс-рэлізе прадстаўнікоў брэнда.