16 лiстапада 2026, панядзелак, 12:21
Падтрымайце
сайт
Сім сім,
Хартыя 97!
Рубрыкі

У беларусаў ёсць магчымасць атрымаць дапамогу ў Польшчы

У беларусаў ёсць магчымасць атрымаць дапамогу ў Польшчы

Падаць заяву можна да канца лістапада.

Да канца лістапада бацькі могуць падаць заявы на дапамогу Dobry Start на школьнікаў, нагадвае Упраўленне сацыяльнага страхавання (ZUS). З гэтага года, каб атрымаць выплату, замежнікі павінны быць прафесійна актыўнымі, паведамляе Most.

Дапамога Dobry Start належыць навучэнцам польскіх школ да 20 гадоў (дзіцяці з інваліднасцю — да 24 гадоў). Праграма не распаўсюджваецца на тых, хто наведвае дзіцячы садок або «zerówka» (нулявы клас), а таксама на студэнтаў. Узроставы парог у 20 гадоў (24 гады) вызначаецца па годзе нараджэння. Гэта азначае, што вучні выпускных класаў тэхнікумаў і ліцэяў, а таксама паліцэальных школ таксама маюць права на дапамогу, нават калі ім споўнілася 20 гадоў (24 гады) да пачатку навучальнага года.

Патрабаванні да замежнікаў

З гэтага года для замежнікаў, якія не з'яўляюцца грамадзянамі краін ЕС, ЕАСТ і Вялікабрытаніі, у тым ліку для ўкраінцаў са статусам UKR, якія пражываюць разам з дзецьмі ў Польшчы, уведзена дадатковае патрабаванне. Бацькі могуць прэтэндаваць на дапамогу толькі калі ў месяцы перад падачай заявы былі прафесійна актыўныя.

Гэта значыць, што за аднаго з бацькоў павінны выплачвацца ўзносы па пенсійным страхаванні (emerytalne і rentowe) ад базы, агульны памер якой складае не менш як 50% мінімальнай зарплаты. Альбо адзін з бацькоў павінен быць ахоплены сацыяльным забеспячэннем на іншых падставах, акрамя працы. Гэта можа быць статус беспрацоўнага, дэкрэтны водпуск, пенсія, праграма інтэграцыі і гэтак далей.

У ZUS патлумачылі, што патрабаванне прафесійнай актыўнасці не распаўсюджваецца на замежнікаў, якія:

- падаюць заяву на дзіця, якое з'яўляецца грамадзянінам Польшчы;

- выхоўваюць дзіця да 16 гадоў з устаноўленай інваліднасцю;

- выхоўваюць дзіця старэй за 16 гадоў з умеранай або цяжкай ступенню інваліднасці;

- з'яўляюцца апекунамі дзяцей па прызначэнні ўладаў краіны паходжання;

- самастойна падаюць заяву на дапамогу як асобы, што навучаюцца, альбо як удзельнікі праграмы самастойнай адаптацыі.

Акрамя таго, замежнікі (неграмадзяне ЕС/ЕАСТ/Вялікабрытаніі) пры падачы заявы ў ZUS абавязаны падаць дакументы аб перасячэнні мяжы і дакументы, што пацвярджаюць законнасць знаходжання ў Польшчы, — як на сябе, так і на дзіця.

Напісаць каментар

Таксама сачыце за акаўнтамі Charter97.org у сацыяльных сетках

▲