16 лiстапада 2026, панядзелак, 11:37
Падтрымайце
сайт
Сім сім,
Хартыя 97!
Рубрыкі

The Telegraph: Пуцін апынуўся ў слабой пазіцыі

The Telegraph: Пуцін апынуўся ў слабой пазіцыі
Фота: Getty Images

Гучная сустрэча не прынясе кіраўніку Крамля палітычных вынікаў.

Пуцін можа сустрэцца з прэзідэнтам ЗША Дональдам Трампам і старшынём КНР Сі Цзіньпінам на трохбаковым саміце ў кітайскім Шэньчжэне. Аднак гучная сустрэча наўрад ці прынясе Крамлю рэальныя палітычныя вынікі, піша The Telegraph (пераклад — сайт Charter97.org).

Расійская прапаганда можа паспрабаваць прадставіць паездку Пуціна як гістарычную падзею і параўнаць яе з Ялцінскай канферэнцыяй. Аднак такія паралелі перабольшаныя. Расія займае занадта сціплае месца ў сусветнай эканоміцы, каб на роўных з Вашынгтонам і Пекінам вызначаць будучыню міжнароднага ладу.

У Масквы і Пекіна ёсць агульная зацікаўленасць у аслабленні амерыканскага ўплыву і перадзеле свету на асобныя «сферы ўплыву». Пры гэтым у Кітаі баяцца, што Трамп можа апынуцца занадта ўступлівым у дачыненні да расійскіх патрабаванняў.

Адзін з магчымых сцэнароў прадугледжвае, што Масква і Пекін сумесна націснуць на Іран, дамагаючыся ўрэгулявання сітуацыі вакол Армузскага праліва. Узамен Вашынгтон мог бы паспрабаваць навязаць Украіне капітуляцыю на ўмовах Расіі. Аднак перспектывы такой дамоўленасці невялікія. Кіеў абапіраецца на еўрапейскую падтрымку, Тэгеран не гатовы ўступаць, а ў Трампа няма неабходных рычагоў уплыву ў Кангрэсе.

Акрамя таго, Сі Цзіньпін не зацікаўлены ў абмежаванні кітайскага ядзернага арсеналу, якое Вашынгтон хацеў бы абмеркаваць. Пекін таксама скептычна ацэньвае магчымасці расійскай арміі і не імкнецца браць на сябе адказнасць за дзеянні Масквы.

У выніку Пуцін, які апынуўся ў найбольш слабой пазіцыі сярод трох лідараў, атрымае толькі эфектны фотаздымак з Трампам і Сі — без саступак і канкрэтных дамоўленасцяў.

Напісаць каментар

Таксама сачыце за акаўнтамі Charter97.org у сацыяльных сетках

▲