Арахамія пра перамовы: Ёсць магчымасць знайсці рашэнне да Новага года

Прадстаўнік украінскай дэлегацыі заявіў пра «значны прагрэс».

Кіраўнік фракцыі «Слуга народу» і сябар украінскай дэлегацыі Давід Арахамія падвёў вынікі другога дня перамоваў у Абу-Дабі на прэс-канферэнцыі апоўдні 11 лістапада. Паводле яго слоў, перамовы былі вельмі цяжкімі, але бакі пачалі прадукцыйную размову пра пасляваенную будучыню, піша «Фокус».

Арахамія лічыць, што дату наступнага раўнда трэба ўзгадніць і абвясціць як мага хутчэй. «Мы набралі добры тэмп, што дазваляе знайсці рашэнне яшчэ да надыходу Новага года», — сказаў ён.

Сярод дасягненняў гэтага раўнда ён назваў тры. Па-першае: перамовы аднавіліся пасля дзевяцімесячнай паўзы, а таксама дасягнута дамоўленасць пра буйны абмен палоннымі, які можа адбыцца ўжо заўтра. Па-другое: пераход ад трохбаковага фармату да шматбаковага з удзелам еўрапейцаў, мэта, паводле яго слоў, «амаль дасягнута». Па-трэцяе: ёсць і іншыя пытанні, пра якія пакуль нельга гаварыць адкрыта, але па іх, як падкрэсліў Арахамія, дасягнуты значны прагрэс.

Кіраўнік Офіса прэзідэнта Кірыл Буданаў, які таксама ўваходзіць у дэлегацыю, заявіў, што падрабязнасці перамоваў пакуль трымаюць у таямніцы, а пра канкрэтны вынік абвесцяць, калі ён з'явіцца. На пытанне журналістаў, ці працягвае Расія патрабаваць ад Украіны сысці з Данбаса без бою, Буданаў не адказаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]