«Адысэю» III стагоддзя знайшлі ў нідэрландскай бібліятэцы

Фотафакт.

Даследчык Марк дэ Крей знайшоў у бібліятэцы Утрэхцкага ўніверсітэта фрагмент «Адысэі» Гамэра ўзростам каля 1,7 тыс. гадоў. Прадмет выявілі падчас разбору калекцыі старажытных тэкстаў, набытай універсітэтам каля сямідзесяці гадоў таму ў спадкаемца нямецкага вучонага Карла Шміта.

Фрагмент памерам 6,6 на 7,7 сантыметра абясвечаны, пакрыты плямамі і спісаны дробнымі літарамі. Яго датуюць III або IV стагоддзем нашай эры. У тэксце — радкі з 12-й кнігі: людзі Адысея забілі і з'елі свяшчэнных быкоў Геліёса, і Зеўс знішчыў карабель, загубіўшы каманду, апроч самога героя. У свеце захавалася ўсяго каля 30 такіх фрагментаў; знойдзены, верагодна, быў часткай кішэннага выдання з егіпецкага аазіса Эль-Фаюм.

Раней егіпецкія археолагі знайшлі фрагменты «Іліяды» ўнутры муміі рымскай эпохі. Поўнае даследаванне калекцыі грэка-рымскіх тэкстаў з Егіпта ў Утрэхце хутка выйдзе асобнай кнігай Hieratic, Demotic, Greek, and Coptic Texts in the Utrecht University Collection («Іератычныя, дэматычныя, грэцкія і копцкія тэксты ў калекцыі Утрэхцкага ўніверсітэта»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]