Маці памерлай лабаранткі Іркуцкага супрацьчумнага інстытута: Я ведаю праўду

Паведамленні пра абставіны смерці дачкі Святлана Шыпілава назвала «шоу».

Святлана Шыпілава, маці памерлай супрацоўніцы Іркуцкага навукова-даследчага супрацьчумнага інстытута, расказала ў каментары выданню «Глыбіня», што такія прабіркі, як тыя, з якімі працавала яе дачка, — ударатрывальныя. Жанчына размаўляла з журналістамі, знаходзячыся на каранціне.

Па стане на 5 кастрычніка Шыпілавай не выдалі заключэнне аб смерці дачкі і не дазвалялі выходзіць з бальніцы, куды яе змясцілі на каранцін. Паводле слоў жанчыны, штодня ў яе бралі аналізы і мазкі: «Нешта правяраюць, шукаюць. Можа, іншай якой інфекцыі баяцца, каб мы там ніякі COVID не падчапілі».

Паведамленні пра абставіны смерці дачкі Шыпілава назвала «шоу».

«Брыдоту пра дзіця я чытаць не хачу. Я ж праўду ведаю. Адбіваюся ад дурных знаёмых, якія ва ўсё гэта паверылі. Разумныя, вядома, не паверылі. Не ўсе медыкі нават разумеюць, што прабірку немагчыма разбіць. Нават калі яе шпурнуць аб сцяну. Такое можа толькі дылетант казаць. Нават гіпатэтычна яе проста немагчыма ні разліць, ні разбіць. Яны настолькі абароненыя», – патлумачыла яна.

5 кастрычніка жанчына казала, што яе дачка яшчэ не пахаваная. Пасля гэтай даты мясцовыя СМІ не пісалі пра развітанне з лабаранткай супрацьчумнага інстытута.

«Хто ж яе хаваць будзе, калі мы тут у заключэнні сядзім? Гэта такая працавіца была. Чысты, настолькі чысты чалавечак. Цяжка яе начальніцы, бо яна ведала Дашу і ведала, чаму прымае яе на працу. Туды ж вельмі цяжка трапіць, у Супрацьчумны інстытут. Яна паглядзела, як Даша працуе, яна там праходзіла практыку. Зразумела, што гэта чысты чалавечак, такі працаголік. Я такіх пацыентаў ратавала не аднаго, а маю дачку не ўратавалі. Маю дачку проста загубілі, кінулі і загубілі», – дадала яна.

РасСМІ высоўвалі версію, што Дар'я Шыпілава выпадкова разбіла прабірку з чумнай палачкай «і схавала гэта». Калегі памерлай лабаранткі казалі выданню «Людзі Байкала», што ў інстытуце «такога не бывае». «Але нават калі б і разбіла — там ізаляваны бокс, ізаляваная вопратка. Нічога ўвогуле не здарыцца», – заявіла супрацоўніца інстытута.

Аднакурсніца памерлай, якая праходзіла практыку ў супрацьчумным інстытуце, дадала, што «акрамя высокіх мер бяспекі, там прышчапляюць ад чумы ўсіх — нават студэнтаў, якія прыйшлі на практыку».навукова-даследчага супрацьчумнага інстытута.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]