У расійскім Валгаградзе дроны атакавалі лагістычны хаб Wildberries і НПЗ

Горад ахінуў дым.

У ноч на 31 ліпеня беспілотнікі атакавалі расійскі Валгаград. У горадзе прагрымеў шэраг выбухаў, пасля якіх узнік моцны пажар і падняўся чорны дым.

Паводле папярэдніх звестак, у Валгаградзе дроны маглі нанесці ўдар па чарговым складзе кампаніі Wildberries, а таксама па мясцовым нафтаперапрацоўчым заводзе, які належыць кампаніі «Лукойл». Пра гэта паведамілі OSINT-каналы.

Што да Wildberries у Валгаградзе, дык, паводле папярэдніх звестак, дроны атакавалі размеркавальны цэнтр кампаніі — лагістычны комплекс плошчай 44 тысячы квадратных метраў. Аналітыкі адзначаюць, што гэты аб’ект з’яўляецца ключавым лагістычным вузлом для Валгаградскай, Астраханскай і суседніх абласцей РФ.

Кадры пажару ў Валгаградзе пасля атакі дронаў 31 ліпеня

Акрамя таго, зафіксавана трапленне па мясцовым НПЗ «Лукойл-Валгаграднафтаперапрацоўка». Гэта адзін з найбуйнейшых нафтаперапрацоўчых заводаў Расіі. Прадпрыемства выпускае бензін, дызельнае паліва, авіяцыйнае паліва і іншыя нафтапрадукты, якія маюць важнае значэнне для эканомікі краіны і забеспячэння палівам грамадзянскага і дзяржаўнага сектараў.

Валгаградскі нафтаперапрацоўчы завод таксама лічыцца найбуйнейшым вытворцам гаруча-змазачных матэрыялаў у Паўднёвым федэральным акрузе РФ. На прадпрыемстве штогод перапрацоўваецца больш за 15 мільёнаў тон нафты, што складае 5,6% ад агульнага аб’ёму перапрацоўкі ў Расіі.

На момант публікацыі афіцыйных пацвярджэнняў паражэння аб’ектаў не было.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]