Савет Бяспекі ААН правёў першае пробнае галасаванне па кандыдатах на пасаду генеральнага сакратара
2- 31.07.2026, 8:35
- 1,646
Вынікі афіцыйна не абнародаюць, але нешта ўсё ж прасачылася ў медыя.
Савет Бяспекі ААН правёў першае неафіцыйнае пробнае галасаванне па кандыдатах на пасаду наступнага генеральнага сакратара арганізацыі.
Аб гэтым паведамляе The National.
Што вядома пра вынікі неафіцыйна
Паводле даных выдання The National, лідарам нефармальнага галасавання стала Рэбэка Грынспан з Коста-Рыкі, якая атрымала 10 адзнак «заахвочваць». За ёй ідзе пастаянная прадстаўніца Гаяны пры ААН Кэролін Радрыгес-Біркет з 9 адзнакамі, а трэцяе месца заняў генеральны дырэктар МАГАТЭ Рафаэль Гросі з 7 адзнакамі.
Пробныя галасаванні — неафіцыйная працэдура, падчас якой члены Савета Бяспекі адказваюць, ці «заахвочваюць» яны кандыдата, «не заахвочваюць» або не маюць меркавання. Такія галасаванні дазваляюць ацаніць узровень падтрымкі прэтэндэнтаў, аднак іх вынікі афіцыйна не абнародаюць.
Як адбываецца працэс абрання
Згодна з артыкулам 97 Статута ААН, генеральнага сакратара прызначае Генеральная Асамблея па рэкамендацыі Савета Бяспекі. Падчас пробных галасаванняў Савет Бяспекі вызначае кандыдата, якога будзе рэкамендаваць Генасамблеі для зацвярджэння.
Хто прэтэндуе на пасаду
На пасаду кіраўніка ААН прэтэндуюць сем кандыдатаў:
Мішэль Бачэлет — былая прэзідэнтка Чылі, былая вярхоўная камісарка ААН па правах чалавека;
Марыя Фернанда Эспіноса — былая старшыня Генасамблеі ААН, былая міністарка замежных спраў і абароны Эквадора;
Рафаэль Марыяна Гросі — генеральны дырэктар МАГАТЭ (Аргенціна);
Рэбэка Грынспан — генеральная сакратарка ЮНКТАД, былая віцэ-прэзідэнтка Коста-Рыкі;
Алара Атунну — былы намеснік генеральнага сакратара ААН (Уганда);
Кэролін Радрыгес-Біркет — пастаянная прадстаўніца Гаяны пры ААН;
Макі Сал — былы прэзідэнт Сенегала.
Пераемнік Антоніу Гутэрыша, другі пяцігадовы тэрмін якога заканчваецца 31 снежня, павінен узяцца за абнаўленне арганізацыі, піша The National.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
