СМІ: Супрацоўнік «Гродна Азота» скончыў жыццё самагубствам пасля разбіральніцтва з-за цэглы

Што вядома.

Адзін з супрацоўнікаў прадпрыемства «Гродна Азот» скончыў жыццё самагубствам. Пра гэта паведаміла крыніца «Зеркала», а таксама ініцыятыва «Рабочы Рух» са спасылкай на ўласныя крыніцы.

Паводле інфармацыі супольнасці «Рабочы Рух», трагедыя адбылася ў канцы красавіка, загінулага звалі Андрэй, ён быў намеснікам начальніка цэха ВЕН (аднаўлення едкага натру). Яго цела знайшлі ў лесапаркавай зоне непадалёк ад праходных завода. У сям’і Андрэя засталіся двое дзяцей.

Крыніцы сцвярджаюць, што незадоўга да гібелі супрацоўніка на заводзе праходзіла ўнутранае разбіральніцтва. Яго прадметам аказалася цэгла, якая выкарыстоўвалася ў печах для спальвання адходаў. З-за санкцый прадпрыемства закупіла цэглу расійскай вытворчасці, а яна аказалася недастаткова якаснай.

— Загінуламу было аддадзена вуснае распараджэнне пра павышэнне тэмпературы гарэння, каб працэс адпавядаў экалагічным нормам, — паведаміла крыніца «Зеркала». — Ён зрабіў тое, што яму сказалі, у выніку адбылося разбурэнне цэглы.

«Рабочы Рух» паведамляе, што па выніках унутранай праверкі ў кіраўніцтва прайшла планёрка, на якой «гучалі жорсткія абвінавачанні, пагрозы і спробы знайсці „крайняга“». Крыніца «Зеркала» дадала, што Андрэй «ўспрыняў тое, што здарылася, блізка да сэрца».

— Уся шкода — а гэта 1,2 мільёна рублёў — дырэктар павесіў на яго, — сцвярджае суразмоўца. — Са словамі, што ён пажыццёва будзе выплачваць доўг або пойдзе ў турму.

Афіцыйна «Гродна Азот» не паведамляў пра гібель супрацоўніка. Крыніца «Зеркала» адзначыла, што кіраўніцтва «спрабуе ўсяляк замаўчаць» выпадак, аднак «увесь завод ведае, што адбылося».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]