У цэнтры Вільнюса беларусы правялі мітынг і нагадалі пра тых, хто застаецца за кратамі

Каб зачытаць спіс усіх палітвязняў, спатрэбілася больш за гадзіну.

На Катэдральнай плошчы ў Вільнюсе 21 мая адбыліся выстава і мітынг, прысвечаныя Дню салідарнасці з беларускімі палітвязнямі.

Беларусы Літвы, былыя палітвязні, актывісты сабраліся, каб нагадаць: за кратамі ў Беларусі па-ранейшаму застаюцца людзі, асуджаныя за свае перакананні, грамадзянскую пазіцыю, журналісцкую працу і за права гаварыць свабодна.

На плошчы зачытваўся спіс усіх беларускіх палітвязняў, якія цяпер знаходзяцца за кратамі, з указаннем іх тэрмінаў пакарання. Каб пералічыць усіх, спатрэбілася больш за гадзіну. Асобна стаялі партрэты палітвязняў, якія загінулі за кратамі, перадае «Наша Ніва».

На плошчы разгарнулі вялікі бела-чырвона-белы сцяг.

Дата акцыі невыпадковая. Роўна пяць гадоў таму ў шклоўскай калоніі загінуў палітвязень Вітольд Ашурак.

На вялікай расцяжцы размешчаныя партрэты беларускіх палітвязняў. Праходжыя падыходзілі і разглядалі іх.

З самай раніцы на плошчы дзейнічала выстава мастацкіх прац, створаных былымі палітвязнямі і беларускімі мастакамі.

Частка карцін і малюнкаў была зроблена непасрэдна ў турмах і калоніях.

Сярод аўтараў — Павел Севярынец, Андрэй Войніч, Анатоль Хіневіч, Вольга Якубоўская, Ксіша Ангелава, а таксама ананімныя аўтары, якія не могуць адкрыта называць свае імёны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]