Роберт Левандоўскі развітваецца з «Барселонай»

Польскі бомбардзір працягне сваю кар'еру ў іншым клубе.

Зорны форвард «Барселоны» Роберт Левандоўскі паведаміў, што пакіне каманду пасля завяршэння бягучага сезона.

«Пасля чатырох гадоў, поўных выклікаў і напружанай працы, пара сыходзіць. Я іду з пачуццём, што місія выкананая. 4 сезоны, 3 тытулы. Я ніколі не забуду любоў, якую атрымліваў ад заўзятараў з першых маіх дзён. Каталонія — маё месца на гэтай зямлі. Дзякую кожнаму, каго я сустрэў за гэтыя чатыры цудоўныя гады.

Асаблівая падзяка прэзідэнту Лапорце за тое, што даў мне магчымасць пражыць самы неверагодны раздзел маёй кар'еры. «Барселона» вярнулася туды, дзе ёй і варта быць. Visca Barça. Visca Catalunya», — напісаў Левандоўскі ў сябе ў Instagram.

Цяперашні кантракт 37-гадовага польскага футбаліста з каталонскім клубам заканчваецца летам, бакі вырашылі не працягваць супрацоўніцтва.

Левандоўскі выступае за «Барселону» з лета 2022 года, калі перайшоў з «Баварыі» за 50 мільёнаў еўра. Ён правёў 191 матч за «сіне-гранатовых», забіў 119 галоў і аддаў 22 выніковыя перадачы.

Разам з каталонцамі Роберт тройчы выйграў чэмпіянат і Суперкубак Іспаніі, а таксама аднойчы — Нацыянальны кубак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]