Навукоўцы распавялі, што родніць сабак і людзей

У нашай ДНК шмат агульнага.

Бывае так: адзін залаты рэтрывер радасна вітае кожнага госця, а другі — дрыжыць ад гуку дамофона або хаваецца, пачуўшы шум вуліцы, — піша New Voice.

Кембрыджскія навукоўцы правялі маштабнае генетычнае даследаванне і высветлілі, што прычыны такой розніцы закладзены ў ДНК, якая ў сабак і людзей мае значна больш агульнага, чым лічылася раней.

Даследаваўшы геномы больш за 1300 дарослых псоў, навукоўцы знайшлі 12 канкрэтных участкаў, якія кіруюць «індывідуальнасцю» жывёлы. Менавіта гэтыя маркеры вызначаюць, як хутка сабака засвойвае каманды або наколькі моцна яна будзе баяцца раптоўных гукаў.

Найбольш уражвае тое, што дзве траціны знойдзеных «генаў характару» ў рэтрывераў супадаюць з тымі, якія рэгулююць наш уласны інтэлект і эмацыйную ўстойлівасць. Напрыклад, участак PTPN1, які робіць сабаку задзірлівай у дачыненні да іншых жывёл, у людзей звязаны з памяццю і схільнасцю да апатыі. А ген ROMO1, адказны за кмітлівасць пса падчас дрэсуры, у нашым выпадку ўплывае на ўзровень IQ і эмацыйную ўразлівасць.

Вядома, асобны ген не працуе як пераключальнік «злосці» або «геніяльнасці», але гэтае адкрыццё пацвярджае: мы з сабакамі маем агульны біялагічны фундамент для ўспрымання стрэсу і фармавання пачуццяў.

Аўтары даследавання заклікаюць уладальнікаў не кляйміць сваіх любімцаў «непаслухмянымі». Калі ваш пёс панікуе з-за пыласоса або замірае пры выглядзе незнаёмай сабакі — гэта не прымха, а біялагічная схільнасць да больш вострага ўспрымання свету.

«Калі ваш рэтрывер здрыгаецца ад кожнага гуку, магчыма, варта праявіць да яго крыху больш эмпатыі», — адзначае даследчыца Ганна Моррос Нуэва. Веданне таго, што страх можа быць «прапісаны» ў ДНК, дапамагае ўладальнікам і ветэрынарам успрымаць паводзінныя праблемы як частку здароўя, а не як патрэбу ў пакаранні.

Сабакі дзеляць з намі не толькі канапы, але і стрэсы сучаснага жыцця. Шум горада, якасць паветра ў доме і нават наш псіхалагічны стан уплываюць на жывёл гэтак жа, як і на нас. Даследчыкі адзначаюць, што сабакі з'яўляюцца ідэальнымі мадэлямі для вывучэння таго, як навакольнае асяроддзе ўзаемадзейнічае з генамі ў рэальным часе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]