Украінскі ЦПД: Беларусам пачалі абмяжоўваць інтэрнэт

Услед за расіянамі.

Украінскі Цэнтр супрацьдзеяння дэзінфармацыі піша, што ў Беларусі адзначаюцца сістэматычныя прыкметы ўзмацнення кантролю над лічбавай прасторай. Гаворка ідзе пра абмежаванне мабільнага інтэрнэту (да 30 ГБ у месяц), а таксама пра штучнае зніжэнне хуткасці перадачы дадзеных.

Карыстальнікі таксама пішуць пра пагаршэнне якасці сувязі: нестабільны доступ да сеткі, збоі ў працы сэрвісаў і г.д. Праблемы з інтэрнэтам негатыўна ўплываюць як на бізнес, так і на паўсядзённае жыццё людзей.

«Аднак беларускія ўлады, ідучы прыкладам Расіі, грэбуюць інтарэсамі сваіх грамадзян і ўводзяць паступовае татальнае абмежаванне інтэрнэту. Абмежаванне свабоды ў інтэрнэце ў Беларусі не з'яўляецца новым з'явішчам. Раней неаднаразова фіксаваліся кропкавыя адключэнні сеткі падчас пратэстаў, а таксама кантроль за анлайн-актыўнасцю грамадзян. Цяперашнія крокі з'яўляюцца лагічным працягам палітыкі абмежаванняў кіраўніцтва краіны», — пішуць у ЦПД.

У доўгатэрміновай перспектыве такія дзеянні ствараюць перадумовы для аналага расійскага «суверэннага інтэрнэту».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]