Сібіга: Пазіцыя Украіны на полі бою наймацнейшая за апошні год

Тэхналагічная перавага — ключавы фактар.

Пазіцыя Украіны на полі бою самая трывалая за апошні год, у прыватнасці ўдалося мінімізаваць перавагу расіян у асабовым складзе дзякуючы выкарыстанню дронаў, заявіў міністр замежных спраў Украіны Андрэй Сібіга на сустрэчы з журналістамі, перадае «Інтэрфакс-Украіна».

«Лічу, што нашу сітуацыю цяпер можна ахарактарызаваць наступным чынам. Трымаем лінію. Сапраўды, пазіцыя на полі бою наймацнейшая або найтрывалейшая за апошні год. Насамрэч найтрывалейшая. Мы мінімізавалі перавагу расіян у асабовым складзе дзякуючы выкарыстанню дронаў», — сказаў Сібіга.

Паводле слоў міністра, цяпер перавага ў чалавечай сіле не з’яўляецца вызначальнай на полі бою дзякуючы дасягненням украінскага войска.

«Для нас сітуацыя на полі бою — гэта пра ўмацаванне перагаворных пазіцый. Таксама, дарэчы, і крэдыт. І мы даносім нашым партнёрам, што калі мы хочам набліжаць мір, справядлівы мір, то трэба перадусім умацоўваць нашу перагаворную пазіцыю», — патлумачыў кіраўнік МЗС.

Другім важным элементам ён назваў «закрыццё неба». Міністр падкрэсліў, што Украіна можа збіваць да 90% паветраных мэт, і «гэта наша новая геапалітычная сіла».

Трэці элемент цяперашняй сітуацыі — гэта асіметрычныя дзеянні супраць ворага, дадаў Сібіга. «Асіметрыя ў мысленні, асіметрыя ў пабудове тактык, развіцці тэхналогій», — сказаў міністр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]