Такер Карлсан папрасіў прабачэння за тое, што агітаваў за абранне Трампа прэзідэнтам
19- 22.04.2026, 1:13
- 9,482
Журналіст выказаў шкадаванне, што «увёў людзей у зман».
У ЗША ўплывовы кансерватыўны журналіст і падкастар Такер Карлсан папрасіў прабачэння за тое, што быў прыхільнікам і заклікаў сваю аўдыторыю галасаваць за Дональда Трампа.
Пра гэта ён заявіў у чарговым выпуску свайго падкаста «Шоў Такера Карлсана», калі гутарыў са сваім братам Баклі — былым аўтарам прамоў Трампа.
«Ведаеш, гэта будзе мучыць нас яшчэ доўга — прынамсі, мяне. І я хачу сказаць, што шкадую, што ўвёў людзей у зман. Гэта было не наўмысна, гэта ўсё, што я скажу», — сказаў падкастар.
Як піша выданне The Guardian, на гэты момант Карлсан знаходзіцца ў супрацьстаянні з прэзідэнтам Трампам з нагоды падтрымкі ЗША і Ізраіля супраць Ірана.
Only someone who wrote speeches for Donald Trump in 2015, voted for him three times and lost friends defending him can fully understand how painful the current betrayal is. Uncle Buck explains.
0:00 Monologue
2:20 Why Did Buckley Support Trump So Early On?
13:14 John McCain… pic.twitter.com/AV5yxiUopv
— Tucker Carlson (@TuckerCarlson) April 20, 2026
«Ты, я і ўсе астатнія, хто яго падтрымліваў — ты пісаў для яго прамовы, я агітаваў за яго — маю на ўвазе, што мы, безумоўна, да гэтага датычныя. Недастаткова проста сказаць: «Ну, я перадумаў» — або нешта кшталту: «О, гэта дрэнна — я сыходжу». У вельмі невялікай ступені, але насамрэч ты, я і мільёны такіх жа людзей, як мы, — вось прычына таго, што гэта адбываецца прама цяпер», — сказаў падкастар свайму брату.
Такер Карлсан шмат гадоў быў саюзнікам Трампа. Ён выступаў на Нацыянальным з'ездзе Рэспубліканскай партыі і падтрымаў Трампа падчас перадвыбарчай кампаніі 2024 года.
17 чэрвеня прэзідэнт Трамп публічна пасварыўся з Карлсанам. Прычынай канфлікту стала пазіцыя адносна вайны Ізраіля і Ірана. У прыватнасці, Трамп назваў Карлсана вар'ятам.
«Патлумачце звар'яцеламу Карлсану, што Іран не можа мець ядзернай зброі», — пісаў кіраўнік Белага дома ў сацсетцы Truth Social.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
