У расійскім цырку тыгр выскачыў за сетку непасрэдна да гледачоў

Відэа.

Надзвычайнае здарэнне адбылося ў нядзелю, 19 красавіка. Прадстаўленне праходзіла ў перасоўным цырку дынастыі Доўгалюк, які прыбыў у Растоў. Як паведамляе мясцовы паблік «Гэта Растоў», падчас нумара з трыма тыграмі адзін з іх пераскочыў праз сетку і апынуўся непасрэдна каля першага шэрагу гледачоў.

— Тыгр найперш пабег на вуліцу і праз некалькі секунд забег назад. Людзі запанікавалі, іх пачалі супакойваць і перш за ўсё пачалі выводзіць шэрагі, якія былі бліжэй да жывёлы. Тыгр бегаў па шэрагах, дзе ўвогуле не было людзей. Потым ужо спакойна выводзілі ўсіх астатніх, — распавёў падпісчык растоўскага пабліка.

Як піша расійскае выданне «Пад'ём», бацькам у растоўскім цырку даводзілася прыкрываць сабой дзяцей, пакуль тыгр блукаў паміж шэрагамі. Дрэсіроўшчыкі заклікалі людзей не паддавацца паніцы, сядзець і не рухацца, пакуль драпежніка не зловяць. Дырэктар цырка Мікалай Доўгалюк у каментары «Пад'ёму» назваў сваіх тыграў «ручнымі і выхаванымі», а тое, што адбылося, патлумачыў «збегам абставінаў».

— Дрэсіроўшчык надзеў нашыйнік, вывеў да вальера і без інцыдэнтаў завёў у яго. Нельга сказаць, што пагрозы для гледачоў на 100% не было, але гэта ручныя тыгры, то бок яны выхаваныя, як ручная жывёла. Панікі не было — гэта самае галоўнае, і, адпаведна, інцыдэнту не было з-за гэтага, — адзначыў Доўгалюк. — Гэта была памылка супрацоўніка і, ведаеце, збег абставінаў. Нават нельга сказаць, што хтосьці напрамую вінаваты.

Тым часам МУС Расіі праводзіць праверку па факце надзвычайнага здарэння. Паводле папярэдніх звестак, ніхто не пацярпеў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]