У Трампа спыталі, ці трапіць ён у рай

Прэзідэнт ЗША адкідае адзін з біблійных прынцыпаў.

Прэзідэнт ЗША Дональд Трамп заявіў, што не зможа прабачыць сваіх палітычных праціўнікаў нават у тым выпадку, калі гэта неабходна, каб трапіць у рай. У інтэрв’ю праграме 60 Minutes на CBS ён прызнаўся, што ненавідзіць некаторых сваіх ворагаў і не збіраецца змяняць да іх стаўленне, нягледзячы на хрысціянскія заклікі да прабачэння, піша HuffPost (пераклад — сайт Charter97.org).

Размова адбылася з журналістам Росам Дутатам і пачалася з пытання пра смерць. Пасля некалькіх перажытых замахаў у Трампа спыталі, ці верыць ён у замагільнае жыццё.

«Я рэлігійны чалавек, таму, тэарэтычна, траплю ў рай», — адказаў прэзідэнт. На пытанне, ці ўпэўнены ён у гэтым, Трамп прызнаўся: «Спадзяюся. Я не хачу трапіць у пекла».

Потым Дутат нагадаў яму пра выступ удавы забітага кансерватыўнага актывіста Эрыкі Кірк на памятнай цырымоніі ў гонар яе мужа Чарлі Кірка. Яна казала пра неабходнасць прабачаць ворагаў. Сам Трамп тады заявіў, што ненавідзіць сваіх палітычных праціўнікаў.

Журналіст спытаў, ці змог бы прэзідэнт прабачыць былога дырэктара ФБР Джэймса Комі і экс-спікера Палаты прадстаўнікоў Нэнсі Пэлосі, калі б ад гэтага залежала трапленне ў рай.

«Адказ — не. Я хачу быць шчырым. Не», — заявіў Трамп.

Ён назваў сваіх праціўнікаў нячэснымі людзьмі і спаслаўся на крымінальныя абвінавачванні і два імпічменты, якія яму давялося перажыць.

«Я сапраўды ненавіджу некаторых сваіх ворагаў і заўсёды буду іх ненавідзець», — дадаў прэзідэнт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]