Скандал вакол гольф-поля Трампа перарос у судовае расследаванне

Белы дом, магчыма, схаваў планы маштабнай перабудовы грамадскага парка.

Федэральны суд у Вашынгтоне пачаў праверку дзеянняў адміністрацыі прэзідэнта ЗША Дональда Трампа пасля падазрэнняў, што ягоныя чыноўнікі хавалі ад суда планы маштабнай перабудовы грамадскага парка пад элітнае гольф-поле. Суддзя мае намер прыцягнуць былога федэральнага пракурора, каб высветліць, ці ўводзілі прадстаўнікі Белага дома і Міністэрства юстыцыі суд у зман, піша The New York Times (пераклад — сайт Charter97.org).

Ідзе гаворка пра гольф-пляцоўкі ў Вашынгтоне. Трамп хоча ператварыць размешчанае там гольф-поле ў пляцоўку чэмпіёнскага ўзроўню. Аднак суддзя Ана Рэйес раней абавязала адміністрацыю загадзя паведамляць пра любыя істотныя змены на гэтай тэрыторыі.

Нягледзячы на гэта, у кастрычніку там высеклі дрэвы. Пры гэтым прадстаўнікі Міністэрства юстыцыі неаднаразова сцвярджалі ў судзе, што канчатковага плана рэканструкцыі не існуе. Сам Трамп, аднак, публічна прасоўваў праект, а ў ліпені аглядаў тэрыторыю разам з міністрам унутраных спраў Дугам Бургумам і вядомым дызайнерам гольф-палёў Томам Фацыё.

Для расследавання суддзя выбрала Джэсі Лю, былую пракурорку ЗША ў Вашынгтоне. Падчас першага прэзідэнцкага тэрміну Трампа яна курыравала справу яго дарадцы Роджэра Стоуна, пазней памілаванага прэзідэнтам.

Рэйес заявіла, што страціла давер да добрасумленнасці дзеянняў Міністэрства юстыцыі. Яна таксама западазрыла чыноўніка Мінюста Грэгары Вішэра у тым, што той заніжаў сваю інфармаванасць аб планах рэканструкцыі.

Адміністрацыі далі час да наступнай пятніцы, каб аспрэчыць прызначэнне Лю. Абаронцы прыроды спрабуюць праз суд спыніць закрыццё парка, запланаванае на 15 лістапада.

Пакуль гаворка не пра крымінальнае расследаванне карупцыі Трампа, а пра праверку магчымога ўвядзення суда ў зман ягонымі чыноўнікамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]