Крэмль дзіўна адрэагаваў на заяву Трампа пра «вялікую здзелку» па Украіне

Пяскоў нічога не ведае.

Прэс-сакратар расійскага дыктатара Уладзіміра Пуціна Дзмітрый Пяскоў не змог прывесці падрабязнасці адносна анансаванай прэзідэнтам ЗША Дональдам Трампам «вялікай здзелкі» па Украіне, пішуць расійскія СМІ ў пятніцу, 6 лістапада.

На пытанне прапагандыстаў пра здзелку, якая, паводле слоў Трампа, «можа ахопліваць усю Еўропу», Пяскоў заявіў, што «ніякіх падрабязнасцяў няма».

Ён таксама прызнаў, што дыскусія з Еўропай будзе неабходная, калі пойдзе гаворка пра гарантыі бяспекі для Украіны і краіны-агрэсара, а таксама пра будучыню еўрапейскай сістэмы бяспекі. Пры гэтым Пяскоў сцвярджае, што з боку Еўропы назіраецца «зацягнутая нярашучасць» і нібыта негатоўнасць да дыялогу з Масквой.

5 лістапада Трамп падчас зносін з журналістамі ў Белым доме заявіў, што па Украіне будзе заключаная «вялікая здзелка».

«Гэта будзе вельмі буйная здзелка. Яна ахопіць не толькі Украіну — я б нават сказаў, што яна можа ахапіць усю Еўропу. Гэта будзе вялікая, выдатная здзелка, і ўсе будуць у захапленні», — заявіў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]