У Рагачове знайшлі «сюрпрыз» у пітной вадзе

Выяўлены эмаль і растваральнік.

Больш за 15 тысяч рублёў спагналі са службовых асоб «Гомельвадоканала» пасля таго, як у красавіку ў Рагачове пагоршылася якасць вады. Суд прызнаў, што пры фарбаванні станцыі абезжалезвання эмаль і растваральнік трапілі ў вадоправод.

У красавіку жыхары Рагачова скардзіліся на ваду з-пад крана з рэзкім хімічным пахам. Улады пацвердзілі праблему, аднак тады не змаглі назваць яе прычыну.

Праверка паказала, што пры фарбаванні станцыі службовыя асобы дапусцілі выкарыстанне эмалі і растваральніка, не прызначаных для такіх прац. Рэчывы трапілі ў вадоправод і ўступілі ў рэакцыю, паведамляе Генпракуратура.

З-за аварыі даводзілася спыняць падачу вады і прамываць вадоправод. Паводле звестак ведамства, выдаткі на ліквідацыю наступстваў склалі больш за 34 тысячы рублёў.

Вінаватымі прызнаныя пяць кіраўнікоў рознага ўзроўню з падраздзяленняў «Гомельвадоканала»: яны не пракантралявалі закупкі і няправільна арганізавалі працэс фарбавання. З іх спагналі больш за 15,6 тысячы рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]