Грамадзяніна Індыі, які працаваў у Мінску, падманам завербавалі ў армію РФ

Яму далі пазыўны Шэр-Хан і хочуць адправіць на перадавую.

Грамадзяніна Індыі Ашыша Сінгха, які прыбыў у Беларусь на заробкі, падманам завербавалі ў армію Расіі. Яму далі пазыўны Шэр-Хан і рыхтуюць да адпраўкі на вайну супраць Украіны. Занепакоеныя сваякі іншаземца праз дыпламатаў спрабуюць вярнуць блізкага на радзіму, піша The Times of India.

Мужчына знайшоў працу ў Беларусі праз агента і 8 чэрвеня 2026 года пакінуў Індыю. Паводле звестак ягоных блізкіх, першы час Ашыш працаваў на ферме ў адным з беларускіх рэгіёнаў.

«Сям'я сцвярджала, што яму не выплацілі абяцаную зарплату, пасля чаго ён пайшоў на будоўлю, а потым пераехаў у Мінск у пошуках лепшых магчымасцяў», — перадае The Times of India.

У беларускай сталіцы Ашышу прапанавалі працу ў Расіі. Паводле звестак блізкіх, мужчыну падманам «прымусілі падпісаць дакументы, звязаныя з вайсковай службай, і перавезлі ў расійскі вучэбны цэнтр». Там яму прысвоілі пазыўны Шэр-Хан і папярэдзілі, што неўзабаве яго могуць адправіць на перадавую.

Пасольства Індыі ў Маскве звярнулася ў Міністэрства абароны Расіі з патрабаваннем вызваліць Ашыша Сінгха, піша The Times of India.

Раней стала вядома, што пасольства Кіргізстана ў Маскве накіравала ў МЗС РФ ноту з заклікам вярнуць на радзіму грамадзяніна сваёй краіны, які быў завербаваны ў расійскую армію «ў выніку махлярскіх дзеянняў з боку неўстаноўленых асоб». Ён таксама ехаў у РФ на працу, але апынуўся ў Узброеных сілах РФ.

Да гэтага пры падобных абставінах вяртання суайчыннікаў ад Крамля дамагліся ўлады Казахстана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]