19 лiстапада 2026, Чацвер, 17:21
Падтрымайце
сайт
Сім сім,
Хартыя 97!
Рубрыкі

Украіна зноў атакавала Крымскі мост: прагрымела больш за дзесятак выбухаў

25
Украіна зноў атакавала Крымскі мост: прагрымела больш за дзесятак выбухаў
Ілюстрацыйнае фота

Паведамляецца пра траплянні ў чыгуначную частку канструкцыі.

Украінскія вайскоўцы зноў нанеслі ўдар па часткова разбураным Крымскім мосту, факт налёту пацвердзіў кіраўнік расійскіх акупацыйных уладаў Крыма Сяргей Аксёнаў, але дакладнай інфармацыі пра вынікі пакуль няма.

«У выніку чарговай атакі на Крымскі мост рух часова перакрыты […] Праводзіцца ацэнка нанесенай шкоды», — напісаў Аксёнаў у сацсетках.

Украінскія маніторынгавыя каналы паведамляюць, са спасылкай на мясцовых карыстальнікаў інтэрнэту, што ў раёне моста прагрымела да паўтара дзясятка выбухаў. У Telegram-канале Insider UA пішуць не менш за чатыры траплянні, папярэдне таксама па чыгуначнай частцы.

Падчас масіраванага ўдару дронамі і ракетамі ў ноч на 17 верасня абрынулася арка з 270-метровым пралётам аўтамабільнай часткі моста, які злучае Краснадарскі край Расіі з анэксаваным Крымам. Аўтамабільны рух па мосце стаў немагчымым, але чыгуначная частка ўстояла, і рух па ёй ужо ўдзень 17-га лістапада быў адноўлены.

Цяпер украінскія каналы мяркуюць, што мэтай налёту былі менавіта чыгуначныя арка і пралёт, паралельныя абрынутаму аўтамабільнаму пралёту.

Адначасова украінскія дроны ляцяць і ў іншых напрамках. Росавіяцыя за апошнія дзве гадзіны абвясціла пра закрыццё аэрапортаў Калугі і Саратова, расійскі маніторынгавы канал «Радар па ўсёй Расіі» папярэджваў пра небяспеку налёту дронаў у паўднёвых рэгіёнах, а таксама ў Ліпецкай, Разанскай, Тульскай, Ніжагародскай абласцях і Рэспубліцы Мардовія.

Напісаць каментар 25

Таксама сачыце за акаўнтамі Charter97.org у сацыяльных сетках

▲