У Мінску па-ранейшаму не стае медыкаў, дворнікаў, вадзіцеляў, будаўнікоў і прадаўцоў
3- 13.11.2026, 14:48
- 1,006
Лукашысты ўжо не ў стане гэта схаваць.
У Мінску наймальнікам не стае медыкаў, будаўнікоў, вадзіцеляў, прадаўцоў і дворнікаў. Пра гэта паведамляе «Зеркало» са спасылкай на камітэт па працы, занятасці і сацыяльнай абароне Мінгарвыканкама.
У прамысловасці на пачатак лістапада найперш былі патрэбныя такія работнікі, як кладоўшчык, камплектоўшчык, пекар, слесар механазборачных работ, слесар-рамонтнік, такар, укладчык-упакоўшчык, швачка, электраманцёр па рамонце і абслугоўванні электраабсталявання.
У гандлі і грамадскім харчаванні ў дэфіцыце кандытары, кантралёры-касіры, кухонныя рабочыя, мыйшчыкі посуду, афіцыянты, павары, прадаўцы.
У будаўніцтве патрэбныя такія работнікі, як бетоншчык, дарожны рабочы, муляр, маляр, пакроўшчык, мантажнік, абліцоўшчык-плітачнік, цясляр, падсобны рабочы, сталяр, тынкоўшчык, электрагазазваршчык.
Транспартнікам патрабуюцца вадзіцелі, машыністы крана, манцёры шляху, слесары па рамонце, трактавісты.
У жыллёва-камунальнай гаспадарцы запатрабаваныя дворнікі, рабочыя па комплекснай уборцы і ўтрыманні дамавалоданняў, слесары-сантэхнікі, прыбіральшчыкі тэрыторый.
Сярод спецыялістаў па-ранейшаму запатрабаваныя медработнікі — медсёстры, урачы-спецыялісты, фельчары.
У сферах адукацыі і культуры наймальнікам патрэбныя бібліятэкар, выхавальнік, майстар вытворчага навучання, метадыст, сацыяльны педагог, перакладчык, памочнік выхавальніка, выкладчык, кіраўнік фізічнага выхавання, настаўнік.
Таксама ў наймальнікаў запатрабаваныя інжынеры, праграмісты, бухгалтары, падатковыя інспектары, эканамісты, касіры, спецыялісты па прадастаўленні рознічных банкаўскіх паслуг, адміністратары, юрысты, менеджары.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
