Лукашэнка не дае спакою Пашыняну
9- 9.10.2026, 18:14
- 22,524
Дыктатар паспрабаваў пажартаваць з прэм'ерам Арменіі падчас фотасесіі.
Дыктатар Беларусі Аляксандр Лукашэнка паспрабаваў пажартаваць з прэм'ер-міністрам Арменіі Ніколам Пашынянам падчас агульнай фотасесіі лідараў краін СНД на саміце ў Туркменістане.
На кадрах кіраўнікі дзяржаў выбудоўваюцца для фатаграфавання каля дзяржаўных сцягоў, якія размешчаныя ў алфавітным парадку. Пашынян займае месца паміж прэзідэнтам Азербайджана Ільхамам Аліевым і Лукашэнкам.
«Нікуды ён ад нас не дзенецца. Будзеш цяпер паміж», — сказаў Лукашэнка.
Адзначым, паміж Лукашэнкам і армянскім прэм'ерам ужо даўно іскрыць. Лукашэнка некалькі разоў па-хамску заяўляў, што «Арменія нікому не патрэбная». Пашынян жорстка адказваў беларускаму дыктатару.
Як паведамляў Charter97.org, на саміце СНД дыкатара Беларусі і прэм'ера Арменіі пасадзілі побач.