22 лiстапада 2026, Нядзеля, 15:32
Падтрымайце
сайт
Сім сім,
Хартыя 97!
Рубрыкі

СМІ: ЗСУ перайшлі ў контрнаступленне пад Сумамі

3
СМІ: ЗСУ перайшлі ў контрнаступленне пад Сумамі
ілюстрацыйнае фота

Армію РФ адкінулі да мяжы.

У Z-каналах нарастае трывога наконт таямнічых падзей у Сумскай вобласці. Яны сцвярджаюць, што ўкраінскія сілы там вядуць паспяховае контрнаступленне, прымушаючы Узброеныя сілы РФ адступаць да мяжы.

Пра тое, што адбываецца, паведаміў, у прыватнасці, Z-вайсковы карэспандэнт Максім Калашнікаў, спасылаючыся на расійскіх вайскоўцаў на гэтым напрамку, перадае Dialog.UA.

Калашнікаў паведамляе пра «цяжкія баі» і паступовае адступленне Узброеных сіл РФ да вёскі Басоўка.

«Паведамленне з Сумскага фронту… Хлопцы прасілі мяне перадаць, што праціўнік пачаў баі, вельмі цяжкія баі за Юнакоўку… Нашым войскам падысці вельмі цяжка — сцяна дронаў. Дроны наносяць жудасныя страты. Хлопцы кажуць, што дзеля недапушчэння лішніх ахвяр (давялося) адыйсці да Басоўкі. Сцяна! Дроны, дроны, дроны! Ніякіх контрштурмавых дзеянняў лепш не прадпрымаць», — распавёў Z-вайсковы карэспандэнт.

Прыкметна, што ўкраінскі бок захоўвае поўнае маўчанне пра падзеі ў Сумскай вобласці. Не спяшаецца фіксаваць якія-небудзь змены на гэтым участку і праект DeepState — на яго карце і Юнакоўка, і Басоўка пазначаныя як акупаваныя тэрыторыі.

Калі інфармацыя Калашнікава адпавядае рэчаіснасці, то пад Сумамі ў рэжыме інфармацыйнага маўчання ідзе чарговае контрнаступленне ЗСУ. Магчымы адкат расіян да Басоўкі — гэта вельмі значны поспех украінскіх сіл, які паставіць крыж на планах Крамля наблізіцца да Сумаў.

Напісаць каментар 3

Таксама сачыце за акаўнтамі Charter97.org у сацыяльных сетках

▲