Ад аўтобусаў да камбайнаў: на Гомельшчыне распрадаюць маёмасць чарговага даўжніка

Пра тое, што прадпрыемства — даўжнік, стала вядома толькі дзякуючы аўкцыёну.

Больш за два дзесяткі лётаў па продажы тэхнікі Мазырскай гароднінасховішча-фабрыкі размешчана на пляцоўцы электронных аўкцыёнаў, заўважыў «Флагшток». Уся маёмасць — арыштаваная за даўгі прадпрыемства.

Сярод распрадаванай тэхнікі — легкавыя аўтамабілі і грузавікі, і нават камбайн і два аўтобусы «МАЗ 103562». Найтаннейшы з іх, выпуску 2011 года, можна набыць па пачатковай цане ўсяго 5 тыс. 400 рублёў.

Праўда, тэхніка даўно не на хаду — судзячы па апублікаваных фота. У аўтобуса спушчаныя шыны, некаторых колаў увогуле няма, бачныя сляды карозіі.

Пра тое, што прадпрыемства — даўжнік, стала вядома толькі дзякуючы аўкцыёну. Афіцыйнай інфармацыі пра гэта няма. Наадварот, у дзяржаўнай прэсе на пачатку 2026 года пісалі, што «зыходзячы са склаўшайся фінансава-вытворчай дзейнасці, планы на перспектыву ў гаспадаркі амбіцыйныя: рэалізацыя двух інвестпраектаў па будаўніцтве малочнатаварнага комплексу ў Мелешкавічах і прафілакторыя для цялят».

І адзначалі: «нягледзячы на тое, што ў апошнія гады гаспадарка не выходзіць на лідарскія пазіцыі, патэнцыял у яе ўсё ж ёсць і ёсць да чаго імкнуцца».

Прафілакторый сапраўды пачалі будаваць, пра што паведамлялі ў чэрвені. У профілі прадпрыемства значацца жывёлагадоўля мяса-малочнага кірунку і раслінаводства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]